කතරගම තම්මැන්නාගම නිල් මැණික් ඇතැයි ප‍්‍රචාරයවීමත් සමග ගැමියෝ දේශපාලන මැර ප‍්‍රහාරවලට ද ලක්වූහ. ආරක්ෂක අංශවලට සම්බන්ධ යැයි කියා ගන්නා පිරිස් නිරායුධ ගම්වැසියන්ට පහරදී ඇති අවස්ථා රැසක් ඇතැයි ගැමියෝ කීහ. මැණික් ඉල්ලම් නිසා අක්කර පන්දාහක වාරිමාර්ගවලට පමණක් නොව, මහා මාර්ගවලට ද දැඩි හානි සිදවිය දේශපාලන මැර බලය යොදා මැණික් ඉල්ලම් ඌවට හා දකුණට ගෙන යතියි ගැමියෝ කියති. ඉල්ලම් සොයන්නට ආ ගිය දහස් ගණන් පිරිස් නිසා ඇතැමුන්ට අනපේක්ෂිත ආදායම් මාර්ග ද මතු වී තිබේ. මැණික් ගැරුම් වට්ටියක මිල රුපියල් 800කි. තැඹිල ගෙඩිය රුපියල් 50කි. වතුර බෝතලය රුපියල් 100කි. පුංචි රොටියක් රුපියල් 40කි. බුලත් විටක් රුපියල් 30කි.