දෙහිවල, කවුඩානේ නිවසක් තුළ මිය ගොස් සිටි සිව්දෙනාගේ මරණවලට හේතුව විස වායුවක් ආඝ්රහණය වීම බව පශ්චාත් මරණ පරික්ෂණයෙන් හෙළිවී ඇතැයි පොලිසිය පවසයි. මෙම විස වායුව කාබන් මොනොක්සයිඩ් විය හැකි බවට සැක පළ කරයි.
ඒ පිළිබඳ පරීක්ෂණ තව දුරටත් සිදුකරගෙන යන බව ද පොලිසිය කියයි.
මාරයා විදුලි උඳුනෙන් ඇවිත්?
කවුඩානේ තෙමහල් නිවසේ පහත මාලයේ මුළුතැන්ගෙයි තිබුණු විදුලි උඳුන ද, ෆැන්ට්රි කබඩයේ කොටසක් ද, පිඟන් කෝප්ප ආදිය ද පිළිස්සී ඇති බව පොලිසිය පවසයි.
බිත්තිවල ඇඟිලි සටහන් ඇති බව ද පොලිසිය කියයි.
ට්රිප් ස්විච් පුවරුවේ යතුරු දෙකක් පහළට වැටී තිබීමෙන් පෙනෙනුයේ එය ක්රියා විරහිත වී විදුලිය විසන්ධි වී ඇති බව යැයි ද කියන පොලිසිය ගෙයි පිහිටීම අනුව සුළං පිටවීම සඳහා ඇති ඉඩකඩ අවම බව ද කියයි.
බිත්තිවල ඇති ඇඟිලි සටහන් එහි පදිංචිකරුවන්ගේ විය හැකි යැයි ද, හිටි ගමන් විදුලි උඳුන ගිනි ගැනීමෙන් හටගත් දුමාරය වැදීමෙන් ඔවුන් අඳුරේම නිවසින් පිටවීමට උත්සාහ දරා ඇති බව පෙනේයැයි ද, දැරියන් දෙදෙනා සාලයේ මුනින් අතට වැටී සිටීමෙන් ඒ බව පෙනේයැයි ද, එහෙත් අඳුර නිසා ඔවුනට දොරවල් සොයා ගැනීමට නොහැකි වී ඇති බව පෙනේයැයි ද පොලිසිය පවසයි.
මුළුතැන්ගෙයි ගෑස් සිලින්ඩරයට කිසිම හානියක් වී නැතැයි ද පොලිසිය කියයි.
කවුඩානේ මරණ හතර අභිරහසක්
2016 මාර්තු මස 16 11:59:58
( . , බිමල් ශ්යාමන් ජයසිංහ,රේඛා තරංගනී ෆොන්සේකා,ආරියරත්න රණබාහු,(ජායාරූප රේඛා තරංගනී ෆොන්සේකා, ශාන්ත රත්නායක) )
දෙහිවල කවුඩානේ තෙමහල් නිවසේ පහත මාලයේ දී ව්යාපාරියකු, බිරිය, දියණිය හා ඥාති දියණියට මිය යාමට හේතුව සොයා පොලිසිය පරික්ෂණ පවත්වයි. ව්යාපාරික හුසේන් මව්ලානා මහතා (65) පුටුවක ද මර්සානා (58) කාමරේ ද උසානා (14) විසානා (13) සාලයේ ද මිය ගොස් සිටි බව පොලිසිය කියයි.
විදුලි කාන්දු වීමක්ද ගෑස් කාන්දු විමක් ද යන්න සොයන බව පොලිසිය පවසයි.
පොලිසියේ සොකෝ කණ්ඩායම් ද විදුලි ඉංජිනේවරු ද පැමිණ සිටිති. රස පරික්ෂක ද පැමිණිමට නියමිතය.
මෙම නිවසේ උඩුමහලේ සේවකයන්ට ද දෙවැනි මහල බංගලිදේශ ජාතිකයන්ට කුලියට දී ඇති බවත් පොලිසිය පවසයි.
නිවැසියන් මිය යන්නට ඇත්තේ පෙර දින බව පොලිසිය සැකකරයි. අද (16) දහවල් වනතුරු නිවසේ දොරවල් වසා තිබිම නිසා අසල්වැසියකු පොලිසියට පැමිණිලි කර ඇති බවත් පොලිසිය පැමිණ දොර කඩා පරික්ෂා කළ බව දැනගන්නට ඇත.
ජායාරූප - රේඛා තරංගනී ෆොන්සේකා
ජායාරූප ශාන්ත රත්නායක
විඩියෝ - ශාන්ත රත්නායක
