‘‘තොරතුරු දැනගැනීමේ නිදහස ඔබේ අයිතිවාසිකමක්“ යන්න තේමාව කරගනිමින් ලෝක මාධ්‍ය නිදහස් දිනය අද (3) සැමරෙයි.
එක්සත් ජාතීන්ගේ අධ්‍යාපන, විද්‍යාත්මක හා සංස්කෘතික සංවිධානය (යුනෙස්කෝ) සමුළුවේ නිර්දේශයකට අනුව 1993 එක්සත් ජාතීන්ගේ මහා මණ්ඩලයේ දී මුල් වරට ලෝක නිදහස් මාධ්‍ය දිනය ප්‍රකාශයට පත්කරනු ලැබීය. මේ වසරේ දී ශ්‍රී ලංකාවේ තොරතුරු දැන ගැනීමේ පනත පාර්ලිමේන්තුවේ දී සම්මත කිරීමට අපේක්ෂා කරන බව ජනමාධ්‍ය අමාත්‍යාංශය පවසයි. ලෝකයේ තොරතුරු දැනගැනීමේ පනතක් මුල්වරට සම්මත කරන ලද්දේ ස්වීඩනය හා පින්ලන්තයයි.
නිදහස් මාධ්‍ය දිනය වෙනුවෙන් පණිවිඩයක් නිකුත් කරන එක්සත් ජාතීන්ගේ මහ ලේකම් බෑන් කී මූණ් මහතා මාධ්‍ය නිදහස ආරක්ෂා කිරීමට පියවර ගන්නා ලෙස සියලු රාජ්‍යයන්ගෙන් ඉල්ලා සිටියි. යුනෙස්කෝ සංවිධානයේ අධ්‍යක්ෂ ජනරාල් ඉර්නා බොකෝවා මහත්මිය පණිවිඩයක් නිකුත් කරමින් තොරතුරු දැනගැනිමේ නිදහස ප්‍රජාතන්ත්‍රවාදයේ මූලික අඩිතාලමක් බවත් රටක තිරසාර සංවර්ධනය වෙනුවෙන් කිසිදු බියකින් තොරව මාධ්‍ය හැසිරවිමේ නිදහස ස්තාපිථ කළ යුතු බව ද පවසයි.
එසේ වුව ද ලෝකයේ කොතැනක හෝ මාධ්‍යවේදියකු තම රාජකාරියේ යෙදී සිටිය දී දින පහකට වරක් මියයන බව ද යුනෙස්කෝ සංවිධානය පවසයි.
