මෙක්සිකෝ ජාතිකයකුගේ රුපියල් ලක්ෂ පහක් සහිත මුදල් පසුම්බියක්  දඹුල්ලේ පුලතිසි ෆාම් හවුස් වෙළෙද සලේ අමතක වී ගොස් තිබියදී  ඔහු සොයා බාර දුන් බව  ව්‍යාපාරික ආර් බී කේ උදය කුමාර මහතා කියයි.

වතුර බෝතලයක් හා  බීම බෝතයක් මිලටගත් ව්‍යාපාරිකයාගේ මුදල් පසුම්බිය අමතක වී ඇත.

වෙළෙද සලේ සිටි ව්‍යාපාරිකයාගේ  බිරිය නිලංජනී ජානකි  එම පසුම්බිය උදය කුමාර මහතාට දුන්නාය. 

ඔහු ෆීලික්ස් ජුරෝ නම් විදේශිකයා සොයා ගැනීමට බැංකුවලට හා ගුවන්තොටුපළට කතා කළේය. බ්‍රහස්පතින්දා ඔහු මුදල් පසුම්බිය බාර ගත්තේය.

පසුම්බියේ මුදල් කොටසක් ව්‍යාපාරිකයාට පරිත්‍යාග කළ නමුත් ඔහු එය කාරුණිකව ප්‍රතික්ෂේප කළේය.

මුදල් පසුම්බියේ අයිතිකරු සොයා ගැනීමට ඔහුට උපකාරී වුයේ ඔහුගේ වෙළෙද සලේ ආරක්ෂක කැමරා පද්ධතියයි.