(වසන්ත චන්ද්‍රපාල)

අම්පාර දමන අලහේන ගම්මානයේ පෞද්ගලික ව්‍යාපාරිකයකුගේ වෙඩි බෙහෙත් ගබඩාවක් කඩා සොරා ගත් වෙඩි බෙහෙත් සමග සැකරුවන් 04 දෙනකු අත් අඩංගුවට ගත් බව පොලිසිය කියයි.

එම වෙඩි බෙහෙත් තොගය දමන පාසල් හන්දිය ආසන්නයේ ආසන්නයේ ඉඩමක සඟවා තිබු සියලුම භාණ්ඩ අත් අඩංගුවට ගැනිමට සමත්විය.

මෙම භාණ්ඩ සමග ඒවා සොරකම් කරන ලද හතර දෙනා ද අත් අඩංගුවට ගැනිමට හැකිවූ බව පොලිසිය කියයි. අත් අඩංගුවට ගත් භාණ්ඩ අතර වොටර් ජෙල් කිලො 45, ඩෙට‍නේටර් 4100 ක් සහ සේවා නුල් මිටර් 10 කැලි 25 ක් සොයා ගනු ලැබිය.

මෙම වෙඩි බෙහෙත් ගබඩාව අසල පොලිස් මුරපොළක්ද ඇති අතර එහි සේවය සදහා පොලිස් නිළධාරින්ද යොදවා තිබියදි මෙම සොරකම සිදුවු ආකාරය පිලිබඳව විශේෂ පරීක්ෂණයක් කිරිමට කටයුතු කරන බව අම්පාර උසස් පොලිස් නිළධාරියෙක් පැවසිය.