ජිනීවා මානව හිමිකම් කොමසාරිස් අල් හුසේන් කුමරු ශ්රී ලංකාවට පැමිණි අවස්ථාවේ තුන්මුල්ලේ එක්සත් ජාතීන්ගේ කාර්යාලයය ඉදිරිපිට පැවැත්වූ විරෝධතාව නිසා පාර අවහිරවීයැයි කුරුඳුවත්ත පොලිසියෙන් කළ පැමිණිල්ල අනුව කොළඹ ප්රධාන මහේස්ත්රාත් ගිහාන් පිලපිටිය මහතා පාර්ලිමේන්තු මන්ත්රී විමල් වීරවංශ ඇතුළු හය දෙනකුට අද නොතීසි නිකුත් කළේය.
පසුගිය පෙබරවාරි හය වැනි දා වූ එම සිද්ධියේ වීඩියෝපට ලබා ගැනීමට පොලිසිය කළ ඉල්ලීමට මහේස්ත්රාත් අවසර දුන්නේය.
වීරවංශට අමතරව ජයන්ත සමරවීර, වීරකුමාර දිසානායක, පියසිරි විඩේනායක, රොජර් සෙනවිරත්න, මොහොමඩ් මුසම්මිල් සහ දොන් ලුසියන්ට ද නොතීසි නිකුත් කැරිණි.
