ඕස්ට්‍රේලියාවේ නාවුරු දූපතේ රදවා සිටි තවත් ශ්‍රී ලාංකිකයෝ 39 දෙනෙක් අද සවස විශේෂ ගුවන්යානයකින් මෙහි ගෙන එනු ලැබූහ.  එරට රැදී සිටීමට අවශ්‍ය ලියිකියවිලි ඔවුන් අත නොතිබීම මත  ඔවුන් මෙලෙස පිටුවහල් කර ඇත.

පැමිණි සිටි පිරිස අතර ද්‍රවිඩ ජාතිකයෝ 31 සහ සිංහල ජාතිකයෝ 08 දෙනෙක්  වූහ. මේ අතර කාන්තාවන් 03 ක් සහ පිරිමින් 36 ක් ද වෙති.

මොවුහු ත්‍රිකුණාමලය, යාපනය, මන්නාරම, මුලතිව් සහ කිලිනොච්චි යන  පෙදෙස් වල පදිංචිකරුවෝ වෙති.

මෙම පිරිස රාජ්‍ය බුද්ධි සේවා තොරතුරු අංශයෙන් සහ ගුවන්තොටුපොළ අපරාධ පරික්ෂන දෙපාර්තමේන්තු විමර්ශන වලින් අනතුරුව හෙට මීගමුව අදිකරණයට ඉදිරිපත් කිරීමට නියමිතය.