කැනඩාවේ ටොරොන්ටෝ නුවර මහමෙව්නා භාවනා අසපුව සම්බුදු අසිරිමත් තෙමඟුල සැමරීමේ උතුම් ආමිස හා ප්‍රතිපත්ති පුජා විසිහතර පැයක් පුරා පැවැත්විණි.

එම පිංකම පිළිබඳව ටොරොන්ටෝ අසපුව නිකුත්කර ඇති නිවේදනයේ මෙසේ සඳහන්වෙයි.

 මහමෙව්නාවේ දායක පිරිස තම ශ්‍රමයත්, කාලයත් කැපකරමින් ඉතාමත් අලංකාර ලෙස අසපු භුමියේ  සෑයක් ඉදි කළහ.  

ස්ථූප වන්දනාව, අටසිල් සමාදන්වීම, ධර්ම දේශනා හා දඹදිව පුජා භුමි වන්දනාව, තුන් රැය පුරාවටම පිරිත් සහ සතර සතිපට්ඨාන සුත්‍ර දේශනා කිරිපිඩු පුජාවන් පැවැත්වීමෙන් අනතුරුව පිංකම අවසාන විය.

මහමෙව්නා ආදි කර්තෘ කිරිබත්ගොඩ ඥානානන්ද  ලොකුස්වාමීන් වහන්සේට ද  පින් අනුමෝදන් කැරිණි.

2006 දී ආරම්භ කළ ටොරොන්ටෝ මහමෙව්නා අසපුව ශ්‍රී ලංකාවෙන් පිටත පිහිටවූ ප්‍රථම මහමෙව්නා ශාඛාවයි. කැනඩාවේ මෙන්ම ඇමෙරිකා එක්සත් ජනපදයේ කැනඩාවට සමීප නගරන්හි ද බෞද්ධ සැදැහැවතුන් විශාල සංඛ්‍යාවක් ටොරොන්ටෝ අසපුවේ ආගමික වැඩකටයුතු සඳහා සහභාගී වෙති.