මෑතදී මියගිය වැඩිහිටියකුගේ බැංකු ගිණුමකින් රුපියල් එක් ලක්ෂ විසි දහසක් වංචනිකව ගත්තැයි කියන ජනප්‍රිය ටෙලි නිළි මලීශා ශ්‍යාමලී ඇප මත මුදා හරින ලෙස කොළඹ කොටුව මහේස්ත්‍රාත් තිලිණ ගමගේ මහතා නියෝග කළේය.
උසාවියේ පෙනී සිටි නිළියට රුපියල් පනස් දහස බැගින් ශරීර ඇප දෙකක් නියම විය.
මිය ගිය අයගේ දියණිය උසාවියට කියා සිටියේ ඇය තම පියා සමග අසම්මත සම්බන්ධයක් ඇතිකරගෙන සිටින බවයි.
බ්‍රිතාන්‍යයේ පදිංචිකාරියක වන ඇය පොලීසියට පවසා ඇත්තේ ටෙලි නිළිය තම පියාගේ දේපොළ ද වංචා කළැයි ද ඇගේ පැමිණිල්ලේ සඳහන්ය.
වැඩිදුර විභාගය සැප්ත්ම්බර් 12 වැනිදාට කල් තැබිණි.
