(සුජිත් හේවාජුලිගේ)
අයහපත් කාලගුණික තත්වය හමුවේ වසා දැමුණු වනජීවි ජාතික උද්යාන කිහිපයක් සහ සංචාරක නිවාස කිහිපයක් හෙට (03) සිට විවෘත කිරීමට පරිසර අමාත්යාංශය තීරණය කර ඇත.
ඒ අනුව විල්පත්තු ජාතික උද්යානය (හුණුවිලගම පිවිසුම), යාල ජාතික උද්යානයේ පළවෙනි කොටස (පලටුපාන පිවිසුම), මින්නේරිය ජාතික උද්යානය හා කවුඩුල්ල ජාතික උද්යානය මෙලෙස විවෘත කෙරේ.
මෙම උද්යානවල ඇතැම් මාර්ග මේ වන විටත් ජලයෙන් යටවී ඇති බැවින් මාර්ග පද්ධතියෙන් වාහන ගමනාගමනය සඳහා සුදුසු කොටස් පමණක් සංචාරකයින් සඳහා විවෘත වන බව අමාත්යාංශය කියයි
මීට අමතරව සංචාරක නිවාස කිහිපයක්ද හෙට සිට විවෘත කිරීමට පියවර ගෙන ඇත.
