පළමු ලෝක යුද්ධයේ දී ජර්මන් හමුදා ශ්රී ලංකාව අවට මුහුදේ අටවා තිබූ මුහුදු බෝම්බයකට හසුවී විනාශ වී ගිය වර්කට්ෂයර් නමැති බ්රිතාන්ය නෞකාවට අයත් සීනුව මධ්යම සංස්කෘතික අරමුදලේ ගාලු මුහුදු පුරාවිද්යා ඒකකයට භාර දී ඇත. ගල්කිස්සට කිලෝ මීටර 13ක් බටහිර මුහුදෙන් මේ සීනුව සොයාගෙන ඇත්තේ මුහුදු ගවේෂකයකු හා කිමිදුම් කරුවකු වන දර්ශන ජයවර්ධන මහතා විසිනි. එකළ නැවක සංඥා ලබාදීම සිදුකරන ලද්දේ නැවේ සීනුව භාවිතයෙන් බැවින් සීනුව නැවේ වැදගත් ම අංගයකි.
නැව 1917 පෙබරවාරි මස 17 දා ගිලී ගොස් ඇතැයි මුහුදු පුරාවිද්යා ඒකකය පවසයි. ස්ථානය නිවැරදිව හඳුනාගෙන ඇතත් මෙතෙක් එම ස්ථානයේ ගවේෂණ සිදුකැර නැත. මුහුදු පුරාවිද්යා ඒකකය භාර නිලධාරී ඩබ්ලිව්.ඒ.චන්ද්රරත්න මහතා සහ පුරාවිද්යාඥ රසික මුතුකුමාරණ මහතා පවසන්නේ නුදුරු දිනක ගවේෂණ කටයුතු ආරම්භ කරන බවයි.
නැවේ සීනුව ගාල්ල සමුද්ර පුරාවිද්යා කෞතුකාගාරයේ තැන්පත් කිරීමට නියමිතය
