අයි. පී. එල්. තරගාවලියේ තරග අවස්ථා පාවාදීම සම්බන්ධයෙන් ප‍්‍රශ්න කිරීම සඳහා මේ වන විට මුම්බායි පොලිස් රැුඳවුම් භාරයේ සිටින චෙන්නායි සුපර් කිංග්්ස් පිලේ ප‍්‍රධාන විධායක නිලධාරී ග-ුරුනාත් මෙයියප්පන් මහතාගේ චෙන්නායිහි පිහිටි නිවස සෝදිසි කිරීමට පොලිසිය ඊයේ (28 වැනිදා) පියවර ගත්තේය. මෙම සෝදිසි කිරීම ඊයේ පස්වරුව වන තුරුත් පැවතිණ.
චෙන්නායි වරායේ නැංගුරම්ලා තිබූ ගුරුනාත් මෙයියප්පන්ට අයත් යාත‍්‍රාවක් සෝදිසි කිරීමට හත් දෙනකුගෙන් සමන්විත චෙන්නායි පොලිස් නිලධාරීන් කණ්ඩායමක් සඳුදා පියවර ගත් අතර වික‍්‍රම් අග‍්‍රාවාල් නැමැති ව්‍යාපාරිකයකුට අයත් තරු පන්තියේ හෝටලයක් සෝදිසි කිරීමටද චෙන්නායි පොලිස් නිලධාරීහු උත්සුක වූහ. මෙම ව්‍යාපාරිකයා ඔට්ටු දමන්නන් අතර හඳුන්වන්නේ ‘වික්ටර්’ යනුවෙනි.
කලින් පැවැති සෝදිසි කිරීමකදී මෙයියප්පන්ගේ හැඳුනුම්පත් සහ ව්‍යාපාරික නම් කාඞ්පත් අත්අඩංගුවට ගැනීමට චෙන්නායි පොලිසිය පියවර ගෙන තිබිණ.
මේ අතර හෝටල්කරු වික‍්‍රම් අග‍්‍රාවාල් සැ`ගවී සිටින බව කියැවේ. පරීක්‍ෂණ නිලධාරීන් විසින් අග‍්‍රාවාල් සොයාගනු ලැබ ඇතැයි ඔහුගේ නීතිඥයා පවසන නමුත් තමන් විසින් අග‍්‍රාවාල් අත්අඩංගුවට ගනු ලැබ නැති බවත්, ඔහු පොලිසියට බාර වී නැති බවත් පොලිසිය කියයි. කෙසේ වෙතත් මේ මස 30 වැනිදාට පෙර මුම්බායි පොලිසියේ පෙනී සිටින ලෙස වික‍්‍රම් අග‍්‍රාවාල්ටද නොතීසි නිකුත් කරනු ලැබ ඇත.
පොලිසිය පවසන ආකාරයට අග‍්‍රාවාල් නැමැත්තා ගුරුනාත් මෙයියප්පන් සහ වින්දු දාරා සිං සමග නිරන්තර සම්බන්ධතා පවත්වාගෙන ගොස් ඇති අතර වින්දු දාරා සිං සහ චෙන්නායි ඔට්ටු ගැනුම්කරුවකු වන උත්තම්චාන්ද් අතර අයි. පී, එල්. තරග සම්බන්ධයෙන් පැවැති දුරකතන සංවාද ගණන සියය ඉක්මවයි.
