(ටී.කේ.ජී. කපිල)
 
ඉන්දියාව විසින් ශ්‍රී ලංකාවට ලබා දෙනු ලබන ‘ ඔක්ස්ෆර්ඩ් ඇස්ට්‍රාසෙනිකා‘ එන්නත හෙට (27) නොව බ්‍රහස්පතින්දා (28) දහවල් ශ්‍රී ලංකාවට රැගෙන ඒමට නියමිතව ඇති බව ඉන්දීය ගුවන් සේවයේ කටුනායක ගුවන් තොටුපළ කළමනාකරු සාරානාත් පීරිස් මහතා මීට සුළු මොහොතකට පෙර සඳහන් කළේය.

බ්‍රහස්පතින්දා (28) දහවල් 11.00 ට පැමිණීමට නියමිත ඉන්දීය ගුවන් සේවයේ ඒ.අයි.-281 ගුවන් යානයෙන් එන්නත රැගෙන ඒමට නියමිතය.

අනෙකුත් සියලු කරුණු සූදානම් කිරීම එපරිද්දෙන්ම සිදු කිරීමට නියමිත බව ද පීරිස් මහතා එහිදී  වැඩිදුරටත් සදහන් කළේය.