වනාන්තර, වෙරළ ඇතුළු ස්වාභාවික සම්පත් ආරක්ෂා කරීමට ඉදිරියේ දී ත්රිවිද හමුදාවේ සහාය ලබා ගැනීමට කටයුතු කරන බව මෛත්රීපාල සිරිසේන ජනපති අද ජනාධිපති ලේකම් කාර්යාලයයේ පැවැති විශේෂ සාකච්ඡාවක දී පැවසීය.
පරිසරවේදීන්ට සහ ඕනෑම පුරවැසියකුට රටේ කිසියම් තැනක සිදුවන පරිසර විනාශයක් පිළිබඳ ක්ෂණිකව දැනුම් දිය හැකි කමිටුවක් ඉදිරි දෙදින තුළ පත් කිරීමට ද එම සාකච්ඡාවේ දී තීන්දු විය.
එම කමිටුවට යුද හමුදාවේ නියෝජිතයකු පත් කිරීමට ද එකඟතාවය පළ විය.
විල්පත්තුවේ සිදුවෙතියි කියන වන විනාශය ගැන ද පරිසරවේදීහු ජනපතිට කරුණු දැක්වූහ.
ජනපති ලේකම්, පරිසර අමාත්යංශයේ ලේකම්, වනජීවී හා වන රක්ෂණ දෙපාර්තමේන්තුවේ ඉහළ නිලධාරීන්, පොලිස්පති, ත්රිවිධ හමුදාපතිවරුන් සහ පරිසරවේදීහු පිරිසක් ද එම සාකච්ඡාවට එක්වූහ.
