වඳවීයාමේ තර්ජනයට මුහුණ පා ඇති බව ට ලෝක රතු දත්ත පොතේ නම් සඳහන්ව ඇති කැබැල්ලෑවෙකු ගාල්ල දෙවට සියඹලාගහවත්තේ නිවසකට පැමිණ බල්ලන් රැලකට මැදිව සිටියදී නිවැසියන් විසින් බේරාගෙන වනජීවී දෙපාර්තමේන්තුට භාරදී ඇත.
වනජීවී සංරක්ෂණ දෙපාර්තමේන්තුව පවසන්නේ අතිශය ජනාකීර්ණ ස්ථානයකදී කැබැල්ලෑවකු දක්නට ලැබීම පුදුම සහගත සිදුවීමක් බවයි. කුහුඹුවන් ඇතුළු කුඩා කෘමීන් ආහාරයට ගන්නා කැබැල්ලෑවා ඉතාමත් අහිංසක සතෙකි. සතුරන්ගෙන් බේරීම සඳහා බියක් ඇතිවූ වහාම රෝල්වී සිය හිස ආරක්ෂාකැරගන්නා කැබැල්ලෑවා දිවා කාලයේ ඒ ආකාරයට පොළොව යට ගුල්වලට වී නිදා ගනී. රාත්‍රියේදී ආහාර සොයා ඇවිදින මොවුන් දිවියන් නරින් වැනි සතුන්ගේ ගොදුරු බවට පත්වේ.
ලෝකයේ රටවල් ගණනාවක කැබැල්ලෑ විශේෂ අටක් සිටිති. ශ්‍රී ලංකාව, ඉන්දියාව, නේපාලය යන රටවල සිටින කැබැල්ලෑවා ඉන්දියන් පැන්ගොලින් ලෙස ඉංග්‍රීසි භාෂාවෙන් ද සත්ත්ව විද්‍යාත්මකව මානිස් ක්‍රැසික්‍යුඩාටා යනුවෙන් සත්ත්ව විද්‍යාත්මකව ද හ
ඳුන්වයි.
බල්ලන්ගෙන් කැබැල්ලෑවා බේරාගත් රෝයි ජයනාත් මහතා (42) කැබැල්ලෑවා ආරක්ෂා සහිතව වනජීවී සංරක්ෂණ දෙපාර්ත‍මේන්තුවේ අධීක්ෂණය යටතේ ගාල්ල වනජීවී සංරක්ෂණ සංගමයට භාර දුන්නේය. ඉන් අනතුරුව කැබැල්ලෑවා හියාරේ වන රක්ෂිතයට මුදාහැරිණි.
