කොළඹ කෞතුකාගාරයේ පුරාවස්තු සොරකමේ සැකකරු වන සුරංග ජයකාන්ත හෙවත් කන් ගැට්ටා පෙබරවාරි 15 දක්වා රිමාන්ඩ් කරන ලෙස කොළඹ ප්‍රධාන මහේස්ත්‍රාත් ගිහාන් පිලපිටිය මහතා නියෝග කළේය.

රහස් පොලිසිය උසාවියට දැන්වූයේ පරීක්ෂණ වාර්තාව උපදෙස් පතා නීතිපතිට යැවූ බවයි.

මේ නඩුවේ තවත් සැකකරුවෝ හත් දෙනෙක් ඇප මත මුදාහරිනු ලැබ සිටිති.

කටුගෙයි තිබුණු රන් ආලේපිත කඩු 10ක් මැණික් ඔබවූ රන් මුදුවක් රන් කාසි 93ක් රිදී මුදු 18ක් රිදී කාසි 50ක් තඹ කාසි 9ක් පුරාණ නෝට්ටු 34ක් රන් හා රිදී කඩුවක් මැණික් එබ්බවූ සැරයටියක් රන් රිදී වැඩ දැමූ පටියක් රන් රිදී එබ්බවූ තවත් කඩුද සොරාගෙන ඇතැයි පැමිණිල්ල කියයි.

විභාගය ජූනි 27ට කල් තැබිණි.

මිල කළ නොහැකි රාජාභරණ ද මේ අතර වෙයි.