(දයාරත්න ඇඹෝගම)

රාජාංගණය පොලිස් වසමේ තුඹුල්ලේගම වැවේ ඔරුවක නැග මසුන් අල්ලමින් සිටි 64 හැවිරිදි තිදරැ පියෙකු ඔරැව පෙරලි දියේ ගිලිමෙන් ඊයේ (11) දින මිය ගොස් ඇතැයි රාජාංගණය පොලිසිය කියයි.

මෙසේ මිය ගොස් ඇත්තේ රාජාංගණය,යාය 06,අංගමුවේ පදිංචිව සිටි ජීනාගේ ඥාණපාල(64)නැමති තිදරැ පියෙකි. 

මෙම පුද්ගලයා පසුගිය 10 වැනිදා රාත්‍රි අටට පමණ සිය නිවසේ සිට මසුන් ඇල්ලිම සදහා තුඹුල්ලේගම වැවට ගියද ආපසු නොපැමිණිමේ හේතුවෙන් ඔහුගේ ඥාතින් විසින් ඒ පිළිබදව පොලිසියට පැමිණිලි කර තිබුණි.

එම පැමිණිල්ල මත පොලිස් නිලධාරින් හා ගම්වාසින් විසින් තුඹුල්ලේ වැවේ සිදුකළ සෝදිසියේදි මියගිය පුද්ගලයාගේ මළ සිරැර ඊයේ (11) දින පස්වරැවේදි සොයා ගෙන තිබේ.

සිද්ධිය සම්බන්ධයෙන් රාජාංගණය පොලිසියේ ස්ථානාධිපති ප්‍රධාන පොලිස් පරික්ෂක ජී.ඩබ්.එස්.ගජසිංහ මහතා ඇතුළු පොලිස් නිලධාරිහු පිරිසක් වැඩිදුර පරික්ෂණ පවත්වති.