බිම්සර කෞෂාන්ගේ වයස අවුරුදු  පහ ලබන්නේ ලබන මාසේ පස්වෙනිදාටය.

යන්තම් බහ තෝරන බිම්සරට පියාගේ ආදරයත් රැකවරණයත්  ලැබුණේ සිය මවගෙනි

ඇය එච්. ඒ.  බන්දුමතීය.

මොවුන් වෙසෙන්නේ මතුගම සිරිකඳුර  සඳසිරිගම ය.  

උපන්දා සිට නැතත් වයස අවුරුදු දෙකේදි බිම්සර හදිසියේ රෝගි වෙද්දී ඇයට කළ හැකිවූයේ නිවසේ සිට සැතපුම් අටක් පමණ  දුෂ්කර මඟ ගෙවා මතුගම ඩිස්පැන්සරියට දරුවා රැගෙන ඒමය

එදා වේල පිරිමහගැනිමටත් අපහසු තත්වයෙන් සිටියදි සිය සොහොයුරන් දෙදෙනාගෙන් ලැබෙන උපකාරයෙන් යාන්තම් දිවිගෙවන බන්දුමතී ට දරුවාගේ අසනීප තත්වය වෛද්‍යවරුන් පැවසු ආකාරයට හිසට පාත්වු හෙණයක් බඳුය.

මුලින් කළුතර නාගොඩ රෝහලටත් දෙවනුව කොළඹ රෝහලටත් යොමු කළ දරුවාගේ අවසාන රෝග නිර්ණය සිදුකළේ මහරගම පිළිකා රෝහලේය.

...අම්මේ මේ බබාගේ ඇට මිඳුළුවල පිළිකා තත්වයක් ඇතිවෙලා අපි බලමු සනීප කරගන්න හැකිවේවි ...

වෛද්‍යවරුන් බිම්සර දෙස බැළුවේ ඒ පුංචි ඇස්දෙකේ තිබුණාටත් වඩා කාරුණික බැල්මකිනි.

මෙසේ වසරක් ගෙවිණි දැන් බිම්සර මඳ සුවයකින් පසුවන ලකුණු පහළ වි ඇත

නමුත් දිගින් දිගටම ඔහුට බෙහෙත් ලබා දිය යුතුය

ඊට වැය වන මුදල අධිකය මේ ආදරණීය අම්මාගේ සොහොයුරන් දෙපළ නොවන්නට මේ දරුවාත්  තරුණ මවත් මේ වන විට මහ මඟය

හදිසි අවස්ථාවක දරුවා ප්‍රතිකාර සඳහා රැගෙනයාමට  යායුතු දුර කෙතරම් වුවද  ඇතැම් අවස්ථාවලදි බන්දුමති සිය දරුවා වඩාගෙන සැතපුම් අට ගෙවා මාර්ගයට යන්නීය

උදේ බසය වැරදුණහොත් ත්‍රී රෝද රථයකට රුපියල් 800 ක් ගෙවිමට ඇයට සිදුවෙයි

අසනීප දරුවා තනිකර දමා රැකියාවක් කරගත නොහැකි ඇයට මේ දරුවා රැක ගැනිමටත් දිවි ගෙවිමටත්  දිවියට අත්වැලක් සපයන ලෙස අප ආයාචනා කරන්නෙමු

ලිපිනය -එච් .එම් බන්දුමතී -     සඳසිරිගම  මතුගම 

ජාතික ඉතිරි කිරිමේ බැංකුව (පානදුර ශාඛාව)

ගිනුම් අංකය    1 - 004380- 0609-1

දුරකථනය- 072 9769889