තමන් එච්.අයි.වී ආසාදිතයෙකු වීම හේතුවෙන් ශ්රී ලංකන් ගුවන් සේවා සමාගමේ තමන් දැරූ ධූරයෙන් ඉවත් කිරීමෙන් තම මූලික අයිතිවාසිකම් කඩවන ලදැයි සඳහන් කරමින් එම ගුවන් සේවා කාර්ය මණ්ඩල සාමාජිකයෙකු ගොනු කළ මූලික අයිතිවාසිකම් පෙත්සම විභාගයට ගැනීමට ශ්රේෂ්ඨාධිකරණය අද (20) අවසර ලබා දුන්නේය.
මෙම පෙත්සම ලබන මැයි 30 වැනිදා විභාගයට ගැනීමට නියමිතය.
මෙම පෙත්සම අගවිනිසුරු කේ.ශ්රී පවන් සහ ප්රියන්ත ජයවර්ධන යන මහත්වරුන් ගෙන් සමන්විත ශ්රේෂ්ඨාධිකරණ විනිසුරු මඩුල්ලක් හමුවේ සලකා බැලූ අවස්ථාවේදී පෙත්සම විභාගයට ගැනීමට තීන්දු කැරිණි.
නීතීඥ කමනි ජිනදාස මෙනවිය මඟින් ගොනු කර තිබූ මෙම පෙත්සමෙහි වගඋත්තරකරුවන් වශයෙන් ශ්රී ලංකන් ගුවන් සේවා සමාගම ඇතුළු හය දෙනකු නම් කරනු ලැබ ඇත.
