එක්සත් රාජධානියේ සහ උතුරු අයර්ලන්තයේ නව ශ්‍රී ලංකා මහ කොමසාරිස්වරිය ලෙස අමරි මන්දිකා විජයවර්ධන මහත්මිය සිය පත්වීමේ ලිපිය දෙවැනි එළිසබෙත් රැජින අතින් බකිංහැම් මාලිගයේ දී ලබාගත්තාය.
දෙරට අතර මිත්‍රත්වය පිළිබඳව ඇය හා රැජින අතර සාකච්ඡා කැරුණු අතර මෛත්‍රිපාල සිරිසේන ජනපතිගේ උණුසුම් සුබාසිංශන රැජිනට පිළිගැන්වීමට ද විජයවර්ධන මහත්මිය කටයුතු කළාය.
අමරි විජයවර්ධන වසර 36ක කළමනාකරණ හා පරිපාලන අත්දැකීම් ඇති කර්මාන්ත, නිෂ්පාදන, වාණිජ හා අපනයන ව්‍යාපාරික අංශයන්හි මනා පෞරුෂයක් ඇති තැනැත්තියකි.
ස්වදේශී සමාගමේ කළමනාකරණ අධ්‍යක්ෂ හා ප්‍රධානියා ලෙස ඇය කටයුතු කරන්නීය.
