ශ්‍රී ලංකාව සහ එංගලන්තය අතර පල්ලෙකැළේ ක්‍රීඩාංගණයේදී අද(20 වැනිදා) පැවැති සිවුවැනි එක්දින තරගයේදීත් එංගලන්ත කණ්ඩායම ලකුණු 18 ක ජයක් අත්කරගත්තේය. මෙම ජයත් සමගින් 3-0 ක් ලෙසින් ඉදිරියට පැමිණි එංගලන්ත පිල තරග 5 කින් සමන්විත එක්දින තරගාවලිය ජයගත් අතර තරගාවලියේ පළමු තරගය වර්ෂාව නිසා අතහැර දමන ලදි.

අදත් වර්ෂාවෙන් තරගයට බාධා ඇතිවූ හෙයින් ඩක්වර්ත් - ලුවිස් න්‍යාය මත තරගයේ ජයග්‍රාහකයා තීරණය කෙරිණ.

පළමුවෙන් පන්දුවට පහර දුන් ශ්‍රී ලංකා කණ්ඩායම ඕවර 50 ක් අවසානයේදී කඩුලු 7 ක් දැවී ලකුණු 273 ක් ලබාගත්තේය.

වර්ෂාවෙන් බාධා ඇතිවන විට එංගලන්ත පිල ඕවර කඩුලු 2 ක් දැවී ලකුණු 132 ක් ලබා සිටියද ඒ වන විට තරගයේ සම ලකුණු මට්ටම වූයේ ලකු‍ණු 114 කි. ඒ අනුව ඩක්වර්ත් - ලුවිස් න්‍යාය මත එංගලන්ත පිලට ලකුණු 18 ක ජයක් හිමිවිය.

තරගයේ සම්පූර්ණ විස්තර සඳහා  http://www.kelimandala.lk/  වෙත පිවිසෙන්න

ඡායාරූපය - චතුර එස්.කොඩිකාර