මානව හිමිකම් නඩු තිහක් පමණ අන්තර්ජාලයෙන් යොමු කර ඇති බව ශ්රේෂ්ඨාධිකරණ ආරංචි මාර්ග සඳහන් කරයි.
නීතිවේදීන් සාමාන්ය ලෙස ගොනු කළ එම නඩු ශ්රේෂ්ඨාධිකරණය විද්යුත් ගොනු මඟින් අන්තර්ජාලයට එක්කර ඇත.
අන්තර්ජාලය ඔස්සේ මානව හිමිකම් නඩු ගොනු කිරීමේ පහසුකම මේ වන විට විවෘතව පවතී.
ඒ අනුව නීතිඥ මහත්වරුන්ට තම කාර්යාලයේ සිට නඩු ගොනු කිරීමට හැකියාව ඇති බවත් විද්යුත් ගොනු බවට පත් කළ නඩු වාර්තා ඕනෑම අවස්ථාවක පහසුවෙන් බලා ගැනීමේ හැකියාවත් මින් ලැබන බව ශ්රේෂ්ඨාධිකරණ ආරංචි කියයි. එසේ නැතිනම් ශ්රේෂ්ඨාධිකරණ සංකීර්ණයට පැමිණ එහි එක් මහලක පවත්වාගෙන යන කවුන්ටරයට භාර දීමෙන් අන්තර්ජාලය හරහා මානව හිමිකම් නඩු ගොනු කිරීමට අවස්ථාව සලසා දී ඇත.
අග විනිසුරු මොහාන් පීරිස් මහතාගේ සංකල්පයක් අනුව ශ්රේෂ්ඨාධිකරණය හමුවට අන්තර්ජාලය ඔස්සේ නඩු ගොනු කිරීමට හැකියාව ලබාදෙන මෘදුකාංගය නිපදවනු ලැබූවේ කොළඹ විශ්ව විද්යාලයීය පරිගණක අධ්යනායතනයේ මෘදුකාංග ප්රවර්ධන ඒකකය බව එහි ප්රධානී හර්ෂ විජයවර්ධන මහා පැවසීය.
මෘදුකාංගය නිපදවීමට මූල්ය ආධාර සැපයූවේ තොරතුරු හා සන්නිවේදන තාක්ෂණ නියෝජිත ආයතනයයි. (අයි.සී.ටී.ඒ)
විශ්ව විද්යාලය යටතේ ස්ථාපිත තීක්ෂණ පරිගණක අධ්යයනායතනය විසින් මෙම මෘදුකාංගය ශ්රේෂ්ඨාධිකරණය වෙත ලබාදී ඇත.
කොළඹ විශ්ව විද්යාලයේ පරිගණක අධ්යයනායතනයේ අධ්යක්ෂක මහාචාර්ය ගිහාන් වික්රමනායක මහතාගේ අධීක්ෂණය යටතේ හර්ෂ විජයවර්ධන මහතාගේ මෙහෙයවීමෙන් තොරතුරු පද්ධති කළමනාකරු චමින්ද අත්තනායක, ජ්යෙෂ්ඨ පරිගණක මෘදුකාංග ඉංජිනේරු අෂාන් හනත්, දිනූෂ අමරසිංහ, සමීර කොඩිතුවක්කු , දුලන්ජන් ගුණසේකර, මෘදුකාංග ඉංජිනේරු රුක්ෂාන් ආරියරත්න, ක්රිෂ්ණකුමාර් බ්රහමන්, සුපුන් බණ්ඩාර යන මහත්වරු මෙම මෘදුකාංගය නිර්මාණය කළහ.
