රුසියා හිතවාදී නැගෙනහිර යුක්රේන කැරලිකරුවනට අවි සැපයීයැයි කියන රුසියාවේ හිටපු ශ්රී ලංකා තානාපති උදයංග වීරතුංගගේ රාජ්ය තාන්ත්රික ගමන් බලපත්රය ආගමන විගමන පාලක අවලංගු කර ඇත.
ශ්රී ලංකා රජය එම පියවර ගෙන ඇත්තේ උදයංග වීරතුංග යුක්රේන ත්රස්තවාදීනට අවි සපයන ලදැයි යුක්රේනයේ නවදිල්ලි තානාපති කාර්යාලය තෙවැනි පාර්ශවයක් මගින් ශ්රී ලංකා මහ කොමසාරිස් කාර්යාලයට පැමිණිලි කිරීමෙන් පසුවය.
මේ සම්බන්ධයෙන් රජය ගන්නා ක්රියාමාර්ගය විදේශ ඇමැති මංගල සමරවීර මහතා පාකිස්ථාන සංචාරය නිමවා ශ්රී ලංකාවට පැමිණීමෙන් පසු සිදුවනු ඇතැයි කියති.
මෛත්රිපාල සිරිසේන ජනපති සමග දෙදින සංචාරයකට ඔහු පාකිස්ථානයට ගොස් සිටී.
