(අංජුල මහික වීරරත්න)
ශ්‍රී ලංකාවේ ඉන්දුනීසියන් තානාපති ඩිවි ගුස්ටිනා ටොබිං මහත්මිය( Dewi Gustina Tobing ) සහ කෘෂිකර්ම,පශු සම්පත්,ඉඩම් සහ වාරිමාර්ග අමාත්‍ය කේ.ඩී. ලාල්කාන්ත මහතා අතර හමුවක් කෘෂිකර්ම අමාත්‍යාංශයේ ගොවිජන මන්දිරයේදී සිදු විය.
දෙරටේ අන්‍යොන්‍ය අවබෝධය වර්ධනය කරමින් කෘෂිකාර්මික ක්ෂේත්‍රය වඩා ශක්තිමත් කිරීම, හවුල්කාරීත්වය වර්ධනය කර ගැනීම සහ කෘෂිකාර්මික නිෂ්පාදන වල ආනයන අපනයන අවස්ථා වර්ධනය කිරීම මෙම සාකච්ඡාවේ ප්‍රධාන අරමුණ විය.
මිලියන 280 ක් පමන ජනගහනයක් ජීවත් වන ඉන්දුනීසියාව කෘෂිකාර්මික රටකි. ඉන්දුනීසියාව කුකුල් මස්, කිරි, බිත්තර වැනි ආහාර ද්‍රව්‍ය විදේශ රට වලින් ආනයනය කරන නිසා එම අවස්ථාවන් ශ්‍රී ලංකාවට ලබා දීමට හැකියාව ඇති බවත් තානාපතිවරිය අමාත්‍යවරයාට ප්‍රකාශ කළේය. කිරි නිශ්පාදන ක්ෂේත්‍රයේ විශාල ඉදිරි සැලැස්මක් ඇති නිසාම ශ්‍රී ලංකාව සමඟ ගනුදෙනු කිරීමට තම රජය ඉතා කැමැත්තෙන් සිටින බව ද ඇය ප්‍රකාශ කළාය.
