යුද හමුදා මේජර් ප්‍රදීප් සුසේනට කොළඹ ජයික් හිල්ටන් හෝටලයේ රිය ගාලේදී පහර දුන්නැයි ඇමැති මර්වින් සිල්වාගේ පුත් මාලක හා හිටපු ඇමැති මනෝ විජේරත්නගේ පුත් රෙහාන් විජේරත්න ඇතුළු හය දෙනකු එරෙහි නඩුව කොළඹ කොටුව වැඩ බලන මහේස්ත්‍රාත් පවිත්‍රා පතිරණ මහත්මිය විසින් ලබන 25 වැනිදාට කල් තැබීය.
ගිය වසරේ සැප්තැම්බර් නම වැනිදා මේජර්ට පහරදී ඔහුගේ රාජකාරි ගිනි අවිය හා ජංගම දුරකනය පැහැර ගත්තැයිපැමිණිලි කර තිබිණි.
මේජර් අද ඔහුගේ දුරකතනය උසාවියෙන් ඉල්ලා සිටියේය. එම ඉල්ලීම ස්ථිර මහේස්ත්‍රාත් වෙත ඉදිරිපත් කරන්නැයි වැඩබලන මහේස්ත්‍රාත්වරිය කීවාය.
එච් ජී නාලින්ද ජානක, නිලූ අරවින්ද, සුරේෂ් පුෂ්පකුමාර, සරත් උපාලි හා රුමේෂ් සත්‍යජිත් ද අධිකරණයේ පෙනී සිටියහ.
හඳුනාගැනීමේ පෙරට්ටුවේදී සැකකරුවන් හදුනාගැනීමට මෙජර් අපොහොසත් විය.
