මතුගම හොරවල පැලවත්ත පාර මාස තුනකට පමණ පෙර කාපට් අතුරා ප්‍රතිසංස්කරණය කළ නමුත් සඳුදා (2) වැස්සෙන් හා කාපට් ගැලවී පාර කැඩී බිඳී ගියේය.

ප්‍රවාහන ඇමැති කුමාර වෙල්ගම මහතාගේ නිවස පිහිටියේ ද මෙම පාරේ ය.

ප්‍රදේශවාසීන් පවසනුයේ මහින්ද රාජපක්ෂ ජනපති මේ පළාතේ උත්සවයකට යෑමට නියමිතව සිටි නිසා මේ පාර කඩිමුඩියේ අලුත්වැඩියා කළ බවයි.

අගලවත්ත ලිහිණියාගම සම්බන්ධකරන කළුපහන පාලම ද සඳුදා ගංවතුරෙන් කැඩී ගිය පසු ගැමියෝ පොල් කොට කිහිපයක් දමා ගමන් පහසුව සලසා ගන්නට සූදානම් වූහ.