කොරෝනා වයිරසය ආසාදනය වීම හේතුවෙන් රෝහල්ගතව ප්‍රතිකාර ලැබූ 650ක් සුවය ලබා අද(27) පිටව ගිය බව වසංගත රෝග විද්‍යා අංශය කියයි.

ඒ අනුව, සුවය ලැබූ සමස්ත ආසාදිතයන් ගණන 32,701කි.

අද දිනයේදී සුවය ලබා පිටව ගිය වැඩිම පිරිසක් වාර්තා වන්නේ ගල්ලෑල්ල ප්‍රතිකර මධ්‍යස්ථානයෙන් වන අතර එම ගණන 117කි.

අද උදෑසන 10.00 වනවිට කොරෝනා බවට සැක යැයි රෝගීන් 497දෙනෙකු රෝහල්ගත කර තිබේ.

මේ වනවිට කොරෝනා බවට හඳුනාගත් 7,492දෙනෙක් රෝහල්ගතව ප්‍රතිකාර ලබමින් පසුවෙති.

ශ්‍රී ලංකාවේ සමස්ත කොරෝනා ආසාදිතයන් ගණන  මේ වනවිට 40,380ක් වන අතර, 187දෙනෙකු මිය ගොසිනි.