කොළඹ ආනන්ද විද්‍යාලයේදී ගල් රෝලකට තද වී මිය ගිය සෙනිති නෙත්මිණි විජේසිංහ( 09) සිසුවා සෝ සුසුම් මැද අද අවසන් ගමන් ගියේය.

මාළඹේ උතුරු තලංගම පොතුඅරාව නිවසේ සිට තලාහේන පොදු සුසාන භූමීය දක්වා  ගමන් කළ අවමඟුල් පෙරහරට මහා ජනකායක් එක්ව සිටියහ.

ආනන්ද ගුරුවරු , සිසුහු හා ආදී සිසුහු දහස් ගණනක් සුදු ඇඳුමින් සැරැසී සිය සඟයාට අවසන් ගෞරව දැක්වීමට ඇදී ආහ.

සිසුවාගේ සීයාගේ නිවසේ පැවැති මහා සංඝරත්නයේ ආගමික වතාවත්වලින් පසුව දේහය සුසානය කරා රැගෙන යනු ලැබීය.

ප්‍රභාත් විජේසිංහ පියාත් නිල්මිණි බස්නායක මවත් පුතනුවන්ගේ දේහය රැගත් මංජුසාව බෝහෝ දුරක් රැගෙන ගියහ.