(අංජුල මහික වීරරත්න)
ශ්රී ලංකා නිදහස් පක්ෂයෙන් වෙන්ව සිටින පාර්ලිමේන්තු මන්ත්රීවරුන් එකොළොස් දෙනා මෙවර ශ්රීලනිප මැයි දින රැලියට සහභාගී නොවීමට තීරණය කර ඇතැයි එම කණ්ඩායමෙි මන්ත්රීවරයෙක් පැවසීය.
මහ මැතිවරණයේ දී ශ්රී ලංකා නිදහස් පක්ෂය නියෝජනය කරමින් මන්ත්රීවරු 14 දෙනෙක් තේරී පත්වූහ.
එම මන්ත්රීවරුන් අතුරින් එකොළොස් දෙනෙක් රජයට සහයෝගය පළ කරමින් අමාත්ය ධුර සහ රාජ්ය අමාත්යධුර ද බාර ගත්හ.
මෙවර ශ්රී ලංකා නිදහස් පක්ෂය සංවිධාන කරන මැයි දින රැළියට හෝ පෙළපාළියට සහභාගී නොවී සිටීමට තම කණ්ඩායම තීරණය කළ බව රජයට සහයෝගය පළ කරන ශ්රීලනිප පාර්ලිමේන්තු මන්ත්රීවරයෙක් පැවසීය.
