19 වැනි ආණ්ඩුක්රම ව්යවස්ථා සංශෝධනය මගින් ජනතා පරමාධිපත්යයත් ප්රජාතන්ත්රවාදයත් වඩාත් හොදින් තහවුරු වන බැවින් මෙම පනත් කෙටුම්පත ජනමත විචාරණයට යොමු කිරිම අවශ්යතාවයක් නැතැයි නිතිපති ජනාධිපති නිතිඥ යුවන්ජන් විජේතිලක මහතා මේ පනත් කෙටුම්පත් පිළිබඳ පෙත්සම් විභාගයේදි ශ්රේෂ්ඨාධිකරණය හමුවේ පැවසිය.
අගවිනිසුරු කේ.ශ්රී.පවන් ඇතුළු ත්රිපුද්ගල විනිසුරු මඩුල්ලක් ඉදිරියේ මෙම පෙත්සම් අද (06) කැදවුණි. එහිදි අගවිනිසුරුවරයා නීතිපතිගෙන් ප්රශ්න කළේය. සංශෝධන පනත් කෙටුම්පත් සඳහන් වන අමාත්ය මණ්ඩල ප්රධානියා ලෙස අගමැතිවරයා නම් කිරිමෙන් ජනාධිපති විධායක බලතල කප්පාදුවිමත් සිදු නොවේ ද යන්නයි. ජනතාව විසින් ජනාධිපතිට ලබාදි ඇති විධායක බලය තවත් පුද්ගලයෙකුට පරිහරණය කල හැකි දැයි ප්රශ්න කළ අගවිනිසුරුවරයා ඊට අවධානය යොමු කරන ලෙස නිතිපතිට දැනුම් දුන්නේය.
එහිදි නිතිපතිවරයා ගෙන්වා දුන්නේ අදාළ වගන්තියෙන් ජනාධිපතිවරයාගේ බලතල කප්පාදු විමක් සිදු නොවන බවයි . රජය විසින් පාර්ලිමේන්තුවට ඉදිරිපත් කළ ආණ්ඩුක්රම ව්යවස්ථා සංශෝධන පනත් කෙටුම්පත් ඒ පිළිබඳව පැහැදිලිව දක්වා ඇති බවද නිතිපති තර්ක කළේය.
