අනුරාධපුර නිවන්තක ඡේතිය මහා විද්‍යාලයයේ විදුහල්පතිවරයකුට මිහින්තලේ ප්‍රාදේශීය සභා මන්ත්‍රීවරයකුගේ පුතකු පහර දුන් බව කියන සිද්ධියක් සම්බන්ධයෙන් පරීක්ෂණයක් අරඹා ඇතැයි පොලිසිය කියයි.

13 වසරේ ඉගෙනුම ලබන එම සිසුවා පාසලේ තැනින් තැන ඇවිදිමින් සිටියදී ඒ ගැන විමසූ විට විදුහල්පතිට පහර දීමට තැත් කළ බවත්, එම පහර අතින් වැලැක්වූ බවත් දැනගන්නට ඇත.

අද උදෑසන සිදුවූ මේ සිද්ධියට විරෝධය පා පාසල් ගුරුවරු පන්තිකාමරවලින් ඉවත්ව කාර්යාලයයට වී සිටිති.

ලංකා ගුරු සංගමයේ සභාපති ප්‍රියන්ත ප්‍රණාන්දු මහතා ඇතුළු පිරිසක් සිද්ධිය සැල වූ වහාම එම ස්ථානයට ගියහ.