ඉඳිආප්ප ගැනීමේ මුවාවෙන් ගොස් වැඩි හිටිකාන්තාවක් බදාගත් තරුණයකුට අවට පිරිස විසින් පහර දී ගස් බැදීමේ පුවතක් ගාලූ දිසාවෙන් වාර්තාවේ.
නිතර කටමැත දොඩන මොහු ක‍්‍රීඩාවන්ට මෙන්ම වෙනත් ක‍්‍රියාවන් වලදී ක‍්‍රියාකාරීව කටයුතු කරන අයෙකි. මේ නිසාම මොහු කා අතරත් ජනප‍්‍රිය පුද්ගලයෙකි.

ඉඳි ආප්ප තම්බා විකුණා තම ජීවිකාව කරගත් මැදිවියේ පසුවූ කාන්තාවක් සිටියාය. ප‍්‍රදේශයේ කවුරුත් ඉදි ආප්ප මිලට ගනු ලබන්නේ මෙම කාන්තාවගෙනි.
දරුවන් සියලූ දෙනා උදේම තම රැකියාවලට ගිය පසු මෙම කාන්තාව පමණක් ගෙදර තනි වන්නීය.

හුදෙකලාවේ පැය ගණනක් මෙම කාන්තාව සිටින බව කාලයක සිට දන්නා මොහුට එක්තරා ආශාවක් ඇති විය.

දිනෙක කිසිවකු නැති අතරේ මොහු මැයගේ ගෙට රිංගා ගත්තේ ඉඳිආප්ප මිලට ගන්නා මුවාවෙනි.

ආ.... එන්න දරුවෝ යැයි ළෙන්ඟතුව ඇය මොහුට කතා කොට ඉඳි ආප්ප කොපමණ  ඕනෑ දැයි විමසා සිටියාය.

”මට  ඕන ඉඳි ආප්පයක් නැතැයි” කියමින් මොහු එකවර පැන මෙම කාන්තාව බදාගත්තේය.

බියට පත්වූ මෙම කාන්තාව මෙන්න හොරු ඇවිල්ලා යැයි කෑමොර දුන්නාය.

අසල් වාසී පිරිස පොලූ මුගුරු රැගෙන ක්‍ෂණිකව මැයගේ නිවෙසට පැමිණියහ.

මම හොරෙක් නොවෙයි. බොරුවට කෑ ගසන්න එපා. යැයි මොහු කියවන්නට විය.

”හා.... මූද හොරා යැයි” පවසමින් පැමිණි පිරිස මොහු අල්ලා ගත්හ.

”මම ආවේ හොරකමකට නොවෙයි. ඉඳි ආප්ප ගන්න. මොහු පිරිස ඉදිරියේ පින්සෙන්ඩුවිය.

”මූ ගන්න ඉඳි ආප්පයක් නැහැ’’ යැයි කාන්තාව සිදුවූ සියල්ල හෙළි කළාය.

අසල්වාසී පිරිස එකතුවී ඔහු ගස් බැඳ දිමි ගොටු දමා දඬුවම් කළහ. පසුව පියාට ආරංචි වී පැමිණ කාන්තාවගෙන් වැඳ සමාව ගෙන පුතා ලිහාගෙන පහර දෙමින් ගෙදර ඇදගෙන ගියේය.