මෙම අභියෝගාත්මක කාල පරිච්ඡේදයේදී Cinnamon & Resorts අපගේ ප්රජාව සමග එක්සත් වී සිටින අතර, අපගේ අමුත්තන්ගේ සහ සේවකයන්ගේ ආරක්ෂාව සහ යහපැවැත්ම සහතික කරමින් ප්රතිසාධන කටයුතු සඳහා සහාය වීමට කැපවී සිටින බව පවසයි.
එම සමාගම මෙසේ ද සඳහන් කරයි.පසුගිය දින කිහිපය තුළ දිවයින පුරා ඇති වූ අයහපත් කාලගුණය අපගේ හෝටල් කිහිපයක ක්රියාකාරිත්වයට තාවකාලිකව බලපෑවේය. අපගේ කණ්ඩායම්වල කඩිනම් ප්රතිචාරයට සහ කැපවීමට ස්තුතිවන්ත වන්නට බලපෑමට ලක්වූ සියලුම නිවාඩු නිකේතන වන සිනමන් ලොජ් හබරණ (Cinnamon Lodge Habarana), හබරණ විලේජ් බයි සිනමන් (Habarana Villge by Cinnamon), සිනමන් සිටඩෙල් කැන්ඩි (Cinnamon Citadel Kandy), කැන්ඩි මිස්ට් බයි සිනමන් (Kandy Myst by Cinnamon) සහ ට්රින්කෝ බ්ලූ බයි සිනමන් (Trinco Blu by Cinnamon) හි ක්රියාකාරිත්වය යථා තත්වයට පත්ව ඇති බැවින් යළිත් අමුත්තන් පිළිගැනීම නැවත ආරම්භ කර ඇති බව තහවුරු කිරීමට අපි සතුටු වෙමු.
පසුගිය සතියේ ප්රදේශ කිහිපයකට තාවකාලික කාලගුණික බාධා ඇති වුව ද, සියලුම අමුත්තන්ගේ ආරක්ෂාවට පූර්ණ ප්රමුඛතාවක් ලබා දුන් අතර, අපගේ සංචාරක හවුල්කරුවන් ද අඛණ්ඩව දැනුවත් කරන ලදී.
2025 දෙසැම්බර් 1 වැනි දින වන විට සියලුම සිනමන් හොටල් සහ නිවාඩු නිකේතන සම්පූර්ණයෙන්ම ක්රියාත්මක වන අතර, නිවාඩු නිකේතන ක්රියාකාරකම් සාමාන්ය පරිදි ක්රියාත්මක වේ. ක්රියාකාරිත්වය බාධාවකින් තොරව දිගටම පවතින අතර, අමුත්තන් පැමිණීම, රැඳී සිටීම සහ පිටත්වීම නියමිත පරිදි සිඳු වේ. එමෙන්ම, සියලුම වෙන් කිරීම්, පැමිණීම් සැලසුම් කළ පරිදි නොවෙනස්ව පවතී. මෙම කාලය තුළ ප්රජාවට සහාය වීම සඳහා අපගේ කැපවීමේ කොටසක් ලෙස, ජෝන් කීල්ස් සමූහය සහ අපගේ පදනම සමඟ එක්ව බලපෑමට ලක්වූවන්ට සහාය වීම සඳහා සිනමන් හෝටල් ඇන්ඩ් රිසොර්ට්ස් ක්රියාකාරිව කටයුතු කරයි.
ප්රමුඛ පෙළේ ආගන්තුක සත්කාර සන්නාමයක් ලෙස, අපගේ ප්රමුඛතාව වන්නේ අප සමඟ රැඳී සිටින හෝ අප අවට ජීවත් වන සැමට අඛණ්ඩ සුවපහසුව සහ ආරක්ෂාව සහතික කරන අතරම රට යථා තත්වයට පත් කිරීමට සහාය වීමයි. මෙම තත්වය හමුවේ කැපවීමෙන් ක්රියා කළ අපගේ කණ්ඩායම්, පළාත් පාලන ආයතන, හවුල්කරුවන් සහ අපගේ අමුත්තන්ගේ අවබෝධය සහ සහයෝගිතාවට අපේ අවංක කෘතඥතාව පළ කරමු. අපි සාමූහිකව යථා තත්වයට පත්වීම කරා යන ගමනේ යාවත්කාලීන තොරතුරු සහ සේවා ලබාදෙමින් සිනමන් හොටෙල්ස් ඇන්ඩ් රිසෝර්ට්ස් ශ්රී ලංකාවේ ජනතාව සමඟ රැඳී සිටිනු ඇත.
