ශ්රී ලංකා විදේශ සේවා නියුක්ති කාර්යංශයේ (SLBFE) බලපත්ර අංක 3283 යටතේ ලියාපදිංචි විදේශ රැකියා නියෝජිත ආයතනයක් වන ශෂෙල් ලංකා මෑන්පවර් ආයතනය 2026 ප්ලැටිනම් එක්ස්සලන්ස් සම්මාන උළෙලේදී “Ethical Overseas Recruitment & Workforce Solutions” අංශය යටතේ සම්මානයෙන් පිදුම් ලැබීය. කොළඹ Cinnamon Life – City of Dreams හිදී පැවති මෙම සම්මාන උළෙලේදී ආචාර ධර්ම පදනම් කර ගත් විදේශ රැකියා බඳවා ගැනීම් හා ගුණාත්මක ශ්රම බලකා විසඳුම් සැපැයීමේ විශිෂ්ටත්වය වෙනුවෙන් මෙම සම්මානය පිරිනමන ලදී.
මීගමුව කේන්ද්ර කර ගනිමින් ක්රියාත්මක වන, ශෂෙල් ලංකා මෑන්පවර් ආයතන යුරෝපීය රටවල් ඇතුළු විදේශ රැකියා වෙළෙඳපොළට ශ්රී ලාංකික පුහුණු, අර්ධ පුහුණු හා නුපුහුණු ශ්රමිකයන් යොමු කිරීමේ ක්ෂේත්රයේ විශ්වාසනීය නාමයක් ලෙස ස්ථාපිත වී ඇත. ඉදි කිරීම් හා ඉංජිනේරු, හෝටල් හා ආහාර පාන, සෞඛ්ය හා වැඩිහිටි සත්කාර, ආරක්ෂක සේවා, නිෂ්පාදන, කෘෂිකර්ම, ඇඟලුම්, මෝටර් රථ හා වායුසමීකරණ සේවා ඇතුළු ක්ෂේත්ර රැසකට සේවකයන් සැපැයීම ආයතනය විසින් සිදු කරනු ලබයි.
මෙම ජයග්රහණය පිළිබඳව අදහස් දක්වමින් බලපත්රලාභී ෂෙහානි සෙව්වන්දි හෙට්ටිආරච්චි මහත්මිය සඳහන් කළේ ශ්රී ලාංකිකයන්ට විශ්වාසනීය හා ආරක්ෂිත විදේශ රැකියා අවස්ථා නිර්මාණය කිරීම සහ ජාත්යන්තර හවුල්කාරිත්ව ශක්තිමත් කිරීම තම ආයතනයේ ප්රධාන අරමුණ බවයි. ප්රධාන විධායක නිලධාරිනී සහ ජාත්යන්තර සබඳතා නිලධාරිනී අනීතා නෝනිස් මහත්මිය පැවැසුවේ සුදුසු අපේක්ෂකයන් තෝරා ගැනීම, ලේඛන කටයුතු, පුහුණු කිරීම් සහ සේවයට පසු සම්බන්ධීකරණය ඇතුළු සම්පූර්ණ ක්රියාවලිය ඉහළ වෘත්තීයමය ප්රමිතිවලට අනුව සිදු කරන බවයි. ශෂෙල් ලංකා මෑන්පර් ආයතනය ඉදිරියේදී ජාත්යන්තර ජාලය තවදුරටත් පුළුල් කරමින් විදේශ රැකියා ක්ෂේත්රයේ සදාචාරාත්මක හා වෘත්තීයමය සේවා සැපැයීමේ ප්රමුඛ ආයතනයක් ලෙස සිය මෙහෙවර ඉදිරියට ගෙන යාමට බලාපොරොත්තු වේ.
