උදා වන උත්සව සමය තව තවත් කළඑළි කරමින් සෑම මිලදී ගැනීමක්ම වඩාත් ප්‍රතිලාභදායක කිරීම සඳහා මෙවරත් SampathCards, තම ක්‍රෙඩිට් සහ ඩෙබිට් කාඩ්පත් හිමියන්ට ආකර්ෂණීය දීමනා රැසක් පිරිනැමීමට සූදානම් වේ. ඒ අනුව දෙසැම්බරයේ උත්සව සමය සඳහා සම්පත් බැංකුව, 2025 නොවැම්බර් 20 දා සිට දෙසැම්බර් 31 දා තෙක් තෝරා ගත් වෙළෙඳසල් වෙතින් සියයට 60 දක්වා සුවිශේෂී වට්ටම් ලබා දීමට කටයුතු යොදා තිබේ. 
මෙම ප්‍රවර්ධන වැඩසටහනෙන් පාරිභෝගිකයන්ගේ ජීවන රටාවට වැඩි වටිනාකමක් එකතු කරන පාරිභෝගික කේන්ද්‍රීය සන්නාමයක් ලෙස සම්පත් බැංකුවේ ස්ථාවරත්වය වැඩිදුරටත් කැපී පෙනේ. එමෙන්ම බෙදාහදා ගැනීම් සහ සාමුහික අවස්ථාවලින් හැඩ වන මෙම උත්සව සමයේ දී සාප්පු සවාරි, ආහාරපාන සහ නිවාඩු අත්දැකීම් පහසුවෙන් විඳගැනීමට ඇති වඩාත් ප්‍රියතම ගෙවීම් තේරීම වශයෙන් SampathCards පාරිභෝගිකයන්ගේ නොමඳ විශ්වාසය දිනාගනු ඇත. 
මේ පිළිබඳව අදහස් දැක්වූ සම්පත් බැංකුවේ සහකාර සාමාන්‍යාධිකාරී - දත්ත විශ්ලේෂණ, දර්ශින් පතිනායක මහතා මෙසේ පැවසීය. ‘‘මිහිරිතම මතකයන් සදා මතකයේ රැක්‍ෂෙන්නට යන තේමාව පාදක කරගනිමින් මෙම උත්සව සමයේදී අපගේ ගනුදෙනුකරුවන්ට අමතක නොවන අත්දැකීමක් ළඟා කර දීම සම්බන්ධයෙන් අප සතුටට පත් වෙනවා. උත්සව සමය අවසන් වූ පසුවද බොහෝ කාලයක් මතකයේ රැක්‍ෂෙන ප්‍රීතිමත් අවස්ථා බෙදා හදා ගැනීමට සහ ගොඩනගා ගැනීමට හැකි වන බව අප විශ්වාස කරනවා. සෑමවිටම අප මෙවැනි උත්සව දීමනා ලබා දීමට මුල පුරන්නේ අපගේ විශ්වසනීය ගනුදෙනුකරුවන්ගේ සුවපහසුව පෙරදැරි කරගෙනය. එබැවින් මෙම උත්සව සමයේ දී සිදු කරනු ලබන සෑම මිලදී ගැනීමක්ම වඩාත් ප්‍රතිලාභදායක කරමින් ඊට ප්‍රීතිමත් වටිනාකමක් එකතු කිරීමට හැකිවීමෙන් සම්පත්කාඩ්ස් ගනුදෙනුකරුවන්ගේ විශ්වසනීය සහකරුවකු වශයෙන් අඛණ්ඩව මතකයේ රැඳී තිබේවි’’ 
සීතල දෙසැම්බරයේ උදාවන උත්සව සමයේදී ජීවිතයේ සුවිශේෂී අවස්ථා, තම ආදරණීයයන් සමග බෙදා හදා ගන්නා පාරිභෝගිකයන් වෙනුවෙන් විලාසිතා, රසවත් ආහාරපාන, සංචාරක සහ දෛනික අවශ්‍යතා ඇතුළු විවිධ කාණ්ඩවලට අයත් තෝරාගත් වෙළෙඳසල් ඔස්සේ දීමනා රැසක් ඇතුළත් කර තිබේ. විලාසිතා සහ ආභරණවල සිට සුපිරි වෙළෙඳසල්, ඉලෙක්ට්‍රොනික් උපකරණ විවේකීය ක්‍රියාකාරකම් දක්වා මෙම උත්සව සමය සැබවින්ම සුවිශේෂී කිරීම සඳහා සම්පත් බැංකුව සිය දීමනා පිරිනැමීමට කටයුතු කරයි.