IMG-LOGO

2024 මැයි මස 29 වන බදාදා


ගඟක් සනහා මලක් පිපුණා...

 

යොවුන් විය එළැඹෙනවාත් සමඟම හිතේ උපදින ආදරය පිළිබඳව බොහෝ දෙනා විවිධ කතා කියුවත්,මත පළකරත් ඒ ආදරය තමයි ජීවිතය ජීවත් කරවන ආදරය වන්නේ.

ඇත්තටම දෙහදක් එකට බැඳෙනවා කියන්නෙම අපූර්වතම හැඟීමක්.

තරුණ වයසේ පසුවන දෙදෙනකු ආදරයෙන් බැඳීම අලුත් දෙයක් නොවෙයි.එහෙම බැඳෙන හැම ආදරයක් ම විවාහයකින් කෙළවර විය යුතු ත් නැහැ.මොනතරම් ආදරය කළත් ඒ ආදරය විවාහයකින් කෙළවර වන්නේ සංසාරයෙන් ආ බැඳීමක් මතයි.

ආසියාතික සමාජය ඇතුළේ විවාහය කියන්කේ ජීවිතයේ වැදගත්ම ,වටිනාම අවස්ථාව කියා බොහෝ දෙනකු හැඳින්වූවත් අද වෙද්දි ඒ මතය සාමාන්‍යකරණය වී අවසන්.විවාහය කියන්නෙත් ජීවිතයේ එක් අවස්ථාවක් බව බොහෝ දෙනා පිළිගන්න කාරණාවක්.නමුත් විවාහය තුළින් ගොඩනැගෙන ජීවිතයේ නැවුම් බව සදාකාලිකයි.

අද වෙද්දි අපේ සමාජය ඇතුළේ දික්කසාදවීම් ඉහළ අගයක් ගන්නේ හිතාගන්න බැරි තරම් වේගයෙන් එසේ දික්කසාදය පතන බොහෝ දෙනා විවාහයට එළඹිලා තියෙන්නෙත් වසර ගණනාවක් ආදරය කරලා දැන හැඳිනගෙන ඉතා උත්කර්ෂවත් ලෙස විවාහ මංගල උත්සවත් අරගෙන.නමුත් එක වහලක් යටට වී ජීවිතය ගෙවද්දි ඔවුන්ට ඔවුන්ගේම නොගැලපීම් වැටහිම් මත ඉතා කෙටි කාලයකින් දෙපසට වනවා.

ගොඩක් වෙලාවට අපේ රටේ විවාහ කටයුත්තකදි තාමත් බලන්නේ කුලගොත්,වත් පොහොසත්කම් ,රූ සොබාව ආදී දේවල්.මෙි දේවල් මොනතරම් තිබුණත් විවාහයේදි වඩාත් වැදගත් වන්නේ එකිනෙකා පිළිබඳව ඇති අවබෝධය වගෙම සම අදහස්.ඒ වගේම එකානෙකාට ගෞරව කිරීමත් විවාහ ජීවිතය අලුත් කරනවා.

ගඟක් කිව්වා ගලායන්නට
බැරිලු එක සේ බෝ දුරක්
මලක් ඇසුවා විල් දියේ මිස
පිපෙනු කෙලෙසද.එහි මලක්....

හිතත් ඇත්නම් පිපෙන්නට හැකි
ගලක් මත හෝ වී මලක්
ගඟක් මුමුණනු මලට ඇසුණා
හිත⁣ට දී පසුතැවීමක්...

ගඟක් සනහා මලක් පිපුණා
සසර එක්කර බැඳීමක්
ගලායන ගඟ තවත් නොතැවෙන්
පිපෙමි වී එහි සියපතක්...

ගායනය - හර්ෂණ දිසානායක / ලක්ෂණා ලක්මිණී
සංගීතය - දර්ශන වික්‍රමතුංග 

අලුත් පරපුරේ ගී පද රචිකාවන් අතරේ කවි කමද දෝතට ගෙන නිර්මාණකරණයේ යෙදන අමාලී ඇහැළියගොඩ දවසින් දවස ශක්‍යතා ඔප් නංවන බව වඩාත් පැහැදිලි වන්නේ ඇයගේ ගීත නිර්මාණ රස විඳීම තුළින්.ගීතයකට උචිත ගීතමය බස් වහර,ගීතයේ ආකෘතිය මැනවින් හදාරා තම නිර්මාණ මත ඒ සියල්ල සෙමින් දිග හරින්නේ බොහොමත්ම පරෙස්සමින්. හුදු ප්‍රේමය ,විරහවෙන් තොර අත්දැකීම් ඇය තම නිර්මාණ තුළින් විහිදා පෑම ද අගය කළ යුතුමයි.

"ජීවිතේ අතිශය වෙහෙසකාරී ගමනක ආදරය කියන්නෙ ගිමන් නිවන හැඟීමක් මට. 
අතිශය කාර්යබහුල තරුණයෙක් විවාහ වෙන්න තරුණියකට ගේන විවාහ යෝජනාවක් පිළිබඳව තමයි මේ ගීතයෙන් කියැවෙන්නෙ.
ඇය ප්‍රාර්ථනා කරන්නෙ වැවක් මැද මලක් වෙන්න මිසක වේගයෙන්  ගලන් යන ගඟක් මැද පිපෙන්න නොවෙයි.
නමුත්,
ඔහුගේ ආදරයට ඇයට පිටුපාන්න බැරි වනවා. ඒ තරම් ඒ ආදරය, රැකවරණය ඇගේ සිතුවිලි වෙනස් කරනවා..
ඔවුන් විවාහ වෙනවා..
තාමත් ගඟ වේගයෙන් ගලාගෙන යනවා..
ඒත් තවත් පොහොට්ටු තුනක් එක්ක පිපිලා ඒ ආදරේ විඳිනවා..ඇත්තටම මම මේ ගීතයෙන් කියන්නෙ මගේ ආදරය,ජීවිතය.දැන් ඒ ආදරණීය ජීවිතයට  අවුරුදු 15කට කිට්ටු යි.
ඒ තරුණයා අමිල ජයසේකර තරුණිය අමාලී ඇහැළිය⁣⁣ගොඩ නම් මම.
එදා මං ගත්ත තීරණය කොයිතරම් නිවැරදිද කියලා  අද දවසේත් සතුටු වනවා.
මොකද අමිල තාමත් පියෙකුගේ සැමියෙකුගේ වගකීම් සියල්ල ඉටුකරමින් ප්‍රේමවන්තයෙක් විදියට මට ආදරේ කරනවා.ඒ නිසා
මට තාම දැනෙන්නේ මම පෙම්වතියක් විදියට."

ඒ තමයි යුග ජීවිතයට පත්වන සෑම ගැහැනියකගේම මුවින් නැගිය යුතු කතාව.හැම ගෘහයක් ඇතුළෙම ජීවිතය ගෙවෙද්දි පැන නගින ගැටලුවලට දෙදෙනාම එකතුවෙලා පිළියම් සොයලා ,ඒවාට මුහුණ දීලා මේ එදා පෙම්වතියමැයි..මේ එදා පෙම්වතාමැයි කියා සිතන්න පුළුවන්නම් ජීවිතය මොනතරම් සොඳුරුයි ද?

විවරණය: සුජිත් ප්‍රසංග



අදහස් (0)

ගඟක් සනහා මලක් පිපුණා...

ඔබේ අදහස් එවන්න

දියත

ප්‍රධාන මාර්ගය දුම්රිය අදත් ප්‍රමාදයි
2024 මැයි මස 29 20 0

ප්‍රධාන දුම්රිය මාර්ගයේ දුම්රිය ධාවනය අද (29) පෙරවරුවේ ද ව්‍යාකූල තත්ත්වයට පත්ව ඇති බවත් ඒ හේතුවෙන් දුම්රිය ප්‍රමාද වී ධාවනය වන බවත් දුම්රිය පාලක මැදිරි


කෝටි 23 අම්බර් කල්පිටියෙන් අල්ලයි
2024 මැයි මස 29 91 0

රුපියල් කෝටි 23 කට ආසන්න වටිනාකමකින් යුත් අම්බර් (තල්මස් කොටස්) කිලෝ 23 කට ආසන්න ප්‍රමාණයක් සමග ධීවරයන් දෙදෙනකු කන්දකුලිය ප්‍රදේශයෙදී අද දින අලුයම අත් අ


රිය අනතුරක් කළ අයි.පී.අත්අඩංගුවට
2024 මැයි මස 29 143 0

කොළඹ නුවර මාර්ගයේ බීමත්ව යතුරුපැදියක් පදවාගෙන හෝටලයක් ආසන්නයේ රැඳී සිටි පුද්ගලයෙකු හප්පා තුවාල සිදුකර එම යතුරු පැදිය ත්‍රී රෝද රථයක ද ගැටීම සම්බන්ධය


වැසි සුළං අඩු නොවන හැඩ
2024 මැයි මස 29 67 0

සක්‍රීය නිරිත දිග මෝසම් තත්ත්වය හේතුවෙන් දිවයිනේ දැනට පවතින වැසි සහ සුළං තත්ත්වය තවදුරටත් බලාපොරොත්තු වන බව කාලගුණවිද්‍යා දෙපාර්තමේන්තුව කියයි.


බියගමට රෝහල් දෙකක්
2024 මැයි මස 29 157 0

ගම්පහ බියගම මහ රෝහල සහ ළමා රෝහල ඉදිකිරීම සඳහා මූල්‍ය ප්‍රතිපාදන ලබා ගැනීමට කැබිනට් අනුමැතිය ලැබී තිබේ.


කම්ජිපාණීට ඇප වූ පියාට ලක්ෂ 20ක දඩයක්
2024 මැයි මස 29 501 0

මීට වසර එකහමාරකට පෙර ඇප ලැබීමෙන් පසුව හොර රහසේ බෝට්ටුවකින් විදේශයකට පලා ගිය අපරාද කල්ලි නායකයකු හා කුඩු ජාවාරම්කාරයකු යැයි ප්‍රකට මොහොමඩ් ඉම්‍ රාන් ම


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 999 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 2564 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2191 5
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site