(සුජිත් හේවාජුලිගේ සහ අංජුල මහික වීරරත්න)
එන්ඩීබි (NDB) බැංකුවේ සිදුවී ඇති මූල්ය වංචාව හඳුනාගැනීමට අභ්යන්තර විගණන කමිටුව, බාහිර විගණන ආයතනය, අධ්යක්ෂ මණ්ඩලයේ විගණන කමිටුව හා මහ බැංකුවේ බැංකු අධීක්ෂණ දෙපාර්තමේන්තුව අසමත් වූයේ ඇයි දැයි රජයේ මුදල් පිළිබඳ පාර්ලිමේන්තු කාරක සභාව මහ බැංකු ප්රධානින්ගෙන් ප්රශ්න කර ඇත.
කාරක සභාව මන්ත්රී ආචාර්ය හර්ෂ ද සිල්වා මහතාගේ සභාපතිත්වයෙන් පාර්ලිමේන්තුවේදී ඉකුත් 05 වැනිදා රැස්විය.
වංචාව NDB බැංකුවේ කොටස් මිල පහත වැටීමට සහ ශ්රේණිගත කිරීම් අවප්රමාණය වීමට සෘජුවම බලපා ඇති බව ශ්රී ලංකා මහ බැංකුව පෙන්වා දුන්නේය.
බැංකුවල අභ්යන්තර පාලන පද්ධතිවල දුර්වලතා සහ විගණන කමිටුවල වගකීම පැහැර හැරීම සම්බන්ධයෙන්ද මෙහිදී දීර්ඝ ලෙස සාකච්ඡා කෙරිණ.
වංචනික ක්රියාවලිය සිදුවන කාලසීමාවේදී එවැනි අසාමාන්යතා පිළිබඳව කිසිදු කරුණක් මතු කර නොතිබූ බව ශ්රී ලංකා මහ බැංකු නිලධාරීහු කාරක සභාවට පැවැසූහ.
වංචාව සිදුවූ කාලසීමාවේ සිටි විගණන කමිටුව තවදුරටත් එම කටයුතුවල නිරත වීම මෙන්ම ඔවුන්ම තමන් ගැනම විමර්ශන කිරීම ගැටලුකාරී තත්වයක් බව කාරක සභාව පෙන්වා දෙන ලදී. එමෙන්ම, බාහිර විගණන කටයුතුවල විනිවිදභාවය ඉහළ නැංවීමේ අවශ්යතාවයද කාරක සභාව අවධාරණය කළේය
බැංකු විසින් අනුගමනය කරනු ලබන යල් පැනගිය ආරක්ෂක ප්රමිතීන් පිළිබඳවද මෙහිදී සාකච්ඡා කෙරුණු අතර, සියලුම බැංකු සඳහා පොදු වූ අවම තාක්ෂණික මට්ටමක් සහ නියාමන රාමුවක් පවත්වාගෙන යාමේ වැදගත්කමද කාරක සභාව විසින් පෙන්වා දෙන ලදී.
ඉදිරියේදී මෙවැනි වංචා වැළැක්වීමත්, සමස්ත බැංකු ක්ෂේත්රයේම සුරක්ෂිතභාවය තහවුරු කිරීමත් සඳහා කෘතිම බුද්ධිය සහිත නවීන තාක්ෂණික පද්ධති හඳුන්වා දීමේ අවශ්යතාවද සදහන් කෙරිණි.
වංචා කළමනාකරණය සඳහා නව තාක්ෂණික රෙගුලාසි පැනවීම පිළිබඳවද කාරක සභාව මහ බැංකු නිලධාරීන්ගෙන් විමසීය. බැංකුවල වංචා කළමනාකරණ පද්ධති වැඩිදියුණු කිරීම සඳහා අවශ්ය රෙගුලාසි නිකුත් කිරීමට මහ බැංකුවේ අවධානය යොමු වී ඇති අතර, ඒ පිළිබඳව මේ වන විට සාකච්ඡා වෙමින් පවතින බව නිලධාරීහු කාරක සභාවට දැන්වූහ.
COMMENTS
Reply To:
Sisira - cb chds hcdsh cdshcsdchdhd
මහා බැංකුව දන්නේ පඩි වැඩි කරගන්න විතරයි...
අපි දේශපාලකයින්ට බැන බැන ඉඳලා දේශපාලකයෝ මාරු කලත් බලාගෙන ගියහම ලංකාවේ රාජ්ය දෙපාර්තමේන්තු තුළ විශාල මාෆියාවක් තිබෙනවා. මේක මෙහෙයවන්නේ මූලික වශයෙන් නිලධාරීන්, මෝටර් රථ, පාස්පෝර්ට්, හැදුනුම්පත්, රේගු වැනි දෙපාර්තමේන්තු තුළ පහළ සිට ඉහළටම ක්රියාත්මක වෙන හැමෝම සම්බන්ධ සමූපකාර ක්රමයට අල්ලස් ගන්න අල්ලස් ජාලයක් පවතින බව කවුරුත් දන්නා රහසක්, මේවා මිනිස්සු මරන්න ඉන්පසුව මරණ සියදිවි නසාගත් බවට ඒත්තු ගන්වන්න කටයුතු කරන ආකාරය හරියට බටහිර චිත්රපටි ජවනිකා වගේ, මිනිස්සු මේවා එපාවෙලා තමා අලුත් ආණ්ඩුව පත්කළේ, මේ නිලධාරී මාෆියාව ඉදිරි වසර 2 තුල පාලනය නොකලොත් ආණ්ඩුවේ කඩා වැටීම ආරම්භ වෙන්න පුළුවන් (මතු සම්බන්ධයි)
මුදල් කමිටුවේදී හෙළිවන වංචා, දූෂණ ගැන හොදින් සොයා බලා මෙම නිලධාරීන්ට විරුද්ධව වහාම පියවරක් ගන්න එක මුදල් ඇමැතිකම දරන ජනාධිපති තුමාගේ යුතුකමක් සහ වගකීමක් , එහෙම නොකර ලක්මලිලා වගේ පුද්ගලයෝ යොදාගෙන, මෙම පරීක්ෂණ අවුල් කිරීමෙන් සහ 2019 - 2022 ගෝඨාභය මහතාගේ කාලයේ කබ්රාල් සහ තිස්ස කුට්ටිආරච්චි හැසිරුණු ආකාරයෙන් කටයුතු කළොත් ආණ්ඩුවත් අමාරුවේ වැටෙන එක පැහැදිලි කරුණක්...