මොළේ හදාගන්න දිනකට බේත් කරල් 38ක් බොයි

ලොව දෙවැනි විශාලතම බුද්ධි ඵල අගයට හිමිකම් කියුවද ඇමරිකා ජාතික ෆිල් රොස්නර් ගෙවන්නේ කටුක දිවියකි.

ඖෂධ ගැනීම හා ව්‍යායාම කිරීම හැරෙන්නට වෙන කිසිවකට ඉඩක් ඔහුට නැත.බුද්ධි මට්ටම නොවෙනස්ව පවත්වාගැනීමට අවශ්‍ය හෙයින් තමන් තම දෛනික කි‍්‍රයාකාරකම් එසේ සකස් කරගෙන සිටින බව ඔහු කියයි.

ඔහුට දිනකට විවිධාකාරයේ ඖෂධ කරල් 38 ක් අවැසිය.ඒවා මොළයේ ඇති ‘‘වැඩකට නැති‘‘ ප්‍රෝටීන විනාශ කරන බවට ඔහු විශ්වාස කරයි.රුධිර පීඩනයට,කොලෙස්ටරෝල් මට්ටම අඩු කිරීමට, ආදී වෙනත් ඖෂධ ගණනාවක්ද ඔහුගේ ලැයිස්තුවේ අන්තර්ගතය.

ෆිල් රොස්නර් බුද්ධිමතෙකු ලෙස සැළකුනෙකු නොවේ.ඔහු මුලින්ම සේවය කර ඇත්තේ රාතී‍්‍ර සමාජශාලා වල ‘‘බවුන්සර්‘‘ කෙනෙකු හැටියටය.තවත් අවස්ථාවක ඔහු නිරුවත් මෝස්තර නිරූපකයෙක් ලෙසද රැකියාවේ නිරතව තිබේ.

ඉරණමේ ලියැවී තිබූ පරිද්දෙන්දෝ ඔහු ලොව විශාලතම බුද්ධි ඵල අගය හිමි තැනැන්තා බවට පත්වන්නේ අන්තර්ජාතික පරීක්ෂණයකින් සමත්වීමෙනි.එතැන් පටන් ප‍්‍රසිද්ධිය ඔහුව සොයා එන්නට ගත්තේය.

නමුත් එයින් නිසි ප‍්‍රයෝජනයක් අත්කරගැනීමට තමන්ට නොහැකිවූ බව ෆිල් පිළිගනී.රූපවාහිනී වැඩසටහන් වලට සහභාගී වුවද,සම්මාන ලැබුණද ඒ කිසිවක් තමාගේ ජීවන මට්ටම ඉහළ දමා ගැනීමට යොදාගත නොහැකිවූ බව ඔහු කියයි.

අද දිනයේ ඔහු වෙහෙස වෙමින් සිටින්නේ නැවත වරක් තම වාසනාව උරගා බැලීමටය.ඔහුට ලොව වැඩිම බුද්ධි ඵල අගය හිමි තැනැත්තාට හිමි කිරුළ තවදුරටත් ඔහුගේ නොවේ.ඔහු දෙවැනි තැනට තල්ලූවී ඇත.

‘‘මිනිස්සු හිතනවා හොඳ බුද්ධියක් තියෙනවා කියන්නේ ඒ මිනිහා හොඳට හිතලා බලලා තිරණ ගන්නවා කියලා.නමුත් ඒක වැරදියි.බුද්ධියක් තිබුණාද නැතද කියලා නැහැ.අපි හැමෝම මෝඩ වැඩ කරනවා.මම ඒකට හොඳම උදාහරණයක්‘‘ ඔහු කියයි.