මෙයට දශක කිහිපයකට පෙර සුන්දර කොළඹ නගරය මේ වන විට විශාල තට්ටු ගොඩනැගිලි වලින් ගහණය වූ කොන්ක්‍රීට් පුරවරයක් වී ඇති බව කිවහොත් නිවැරදිය. මෑතක සිට කොළඹ නගරයේ බිම් අඟලක් සොයා ගැනීමට නොහැකි තත්ත්වයක් පවතින අතර සෑම තැනකම පාහේ කුඩා ඉඩක දැවැන්ත සුවිසල් ගොඩැගිලි ඉදිකර තිබේ. දිනෙන් දින වැඩිවෙන ජනගහනයට අනුව ඊට සරිලන ලෙස මහල් නිවාස ඉදිකෙරෙමින් පවතියි.
ඇතැම් මහල් නිවාස තට්ටු 30ක් හෝ 40ක් දක්වා උසට ඉදි කෙරේ. මේවායේ මිල ගණන්ද සුලු පටු නොවේ. බොහෝ අය තමන්ෙග් පහසුව සඳහා ඒවා මිලට ගන්නා අයද නැතිවාම නොවේ.
අද කොළඹ නගරාසන්නයේ ඇති බිම්කඩක් සොයා ගැනීමටත් නොහැකි අතර ඇති සීමිත බිම් කඩක්ද ඉඩම් ෙවන්දේසිකරුවන් මිලට ගෙන නව නිවාස ඉදිකරති. ඇතැම් බිම් කඩවලට සුන්දර නම් ද පට බැඳ තිබේ. උදාහරණයක් ගත්තොත් ‘නිසල උයන’ නම් සඳහන් කළද ඒ හරියේ කිසිම නිසල බවක් නම් නැත. විවිධ මල් වර්ගවලින් අදාළ භූමිය නම් කළද එහි කිසිම මලක් හටගෙන නැත.
කොළඹ හා තදාසන්න ප්‍රදේශවල අද ෙබාහෝ ඉඩකඩම් විකිණීම සඳහා දැන්වීම් පළ කර තිබේ. විශේෂයෙන් කොළඹ දිස්ත්‍රික්කය ආශ්‍රිතව විවිධ නම් වලින් සෑදුණු භූමි අද අලෙවි කිරීමට ඇත. කොළඹ නගරයේ වාණිජ හදවත බඳු පිටකොටුව, කොටුව, කොම්පඤ්ඤවීදිය, මැලේවීදිය, කොල්ලුපිටිය, බම්බලපිටිය, වැල්ලවත්ත ප්‍රදේශවල අද බිම් කඩක් සොයා ගැනීමට නොහැකි වී තිබේ.
කොළඹ හා තදාසන්න නගරවල මෙතරම් මිල ගණන්වලට භූමි ප්‍රදේශ අලෙවි වෙන්නේ ඇයි? විශේෂයෙන් නාගරික පරිසරය තුළ සියලු පහසුකම් සහිත ගොඩනැගිලි ඉදිකිරීමත්, කාර්යාල භූමි ඉදිකිරීමත් මීට හේතුවක් වී ඇත. විශේෂයෙන් අති සුඛෝපභෝගී තරු පහේ හෝටල ඉදිකිරීමත් මීට තවත් හේතුවකි.
අද වන විට කොළඹ නගරයේ සමහර ස්ථානයක බිම් කඩක මිල පර්චසයක් රුපියල් ලක්ෂ හතහමාරක් වැනි මිලකට අලෙවි වෙයි. ඒත් ඒවා මිලදී ගැනීමට ද දෙස් විදෙස් ආයෝජකයෝ සිටිති. කොළඹ නගරයේ කොම්පඤ්ඤවීදියේ ගාලු මුවදොර පිටියට ආසන්නයේ පිහිටි භූමියක පර්චසය රුපියල් මිලියන 7.6ක් (ලක්ෂ 760ක්) වැනි මිලකට මිල නියම කර තිබේ.
කොළඹ 07 වෝර්ඩ් පෙදෙසේ පර්චසයක් අලෙවි කෙරෙන්නේ රුපියල් මිලියන 16.5ක් වැනි මිලකටයි. කොළඹ 07 ධර්මපාල මාවතේ පර්චසයක් රුපියල් ලක්ෂ 19කි. කොළඹ 07 බේරේ වැව ආසන්නයේ පර්චසයක් රුපියල් ලක්ෂ 17කට අලෙවි වෙයි.
කොළඹ නගරයට ආසන්නයේ මාලඹේ නගරයේ පර්චසයක් මිල රුපියල් ලක්ෂ 08කි. නාවල ප්‍රදේශයේ පර්චසයක් රුපියල් ලක්ෂ 10කට අළෙවි කෙරේ. තලවතුගොඩ ප්‍රදේශයේ නිවසක් සමඟ පර්චස් 5ක ඉඩමක් අළෙවි කෙරෙන්නේ මිලියන 36.8ක් වගේ මිලකටයි. එහෙත් මේ වන විට පිටකොටුව ප්‍රදේශයේ කිසිදු බිම්කඩක් මිලදී ගැනීමට නොහැකි තරම් තත්ත්වයක් පවතියි. බොහෝ ඉඩම් විදේශීය ආයෝජකයන් විසින් මිලදී ගෙන මහ පරිමාණ හෝටල් හෝ ව්‍යාපාරික ස්ථාන පවත්වාගෙන යති. කොළඹ කොල්ලුපිටියේ ඉදිකෙරෙන නවීනතම මහල් නිවාසයක මිල රුපියල් ලක්ෂ 150කි.
බොහෝ ඉඩම් වෙන්දේසිකරුවන් ඉඩම් මිලදී ගෙන නිවාස ව්‍යාපෘති සඳහා අළෙවි කෙරේ. එය ඔවුන්ගේ ව්‍යාපාරයේ ලාභය සඳහා ගත් නවීන පියවරකි. ඇතැම් විට පාරිභෝගිකයන්ට ද ඉන් සේවාවක් සැලසෙන්නේ නිවාසයක් ඉදිකිරීම් සඳහා අවශ්‍ය ගොඩනැගිලි උපකරණ සෙවීමට යන කාලය පිළිබඳ සැලකීමේදීය.
ඇතැම් ව්‍යාපාරිකයන් තමන්ට අවශ්‍ය පරිදි සැලසුම් අනුව නිවාස ඉදිකර දෙයි. දිනෙන් දින ඉහළ යන ජනගහනයත් සමඟ ඔවුන්ගේ නිවාස අවශ්‍යතාව ද දිනෙන් දින ඉහළ යයි. එහෙත් දැන් බොහෝ දෙනෙකු මහල් නිවාසවල පදිංචියට නැඹුරු වී සිටින්නේ ඒවායේ ඇති පහසුකම් නිසාවෙනි.
කොළඹ නගරයේ ඉදිකෙරෙන වරාය නගරයේද නව නිවාස සංකීර්ණයක් ඉදිකෙරේ. ඒ සඳහා දැනටමත් ආයෝජකයන් ඉදිරිපත් වී ඇත. එම නගරය තුළ මහල් 60ක් වැනි උසකට ගොඩනැගිලි ඉදිකිරීමට සැලසුම් කර ඇත. ඉඩ පහසුකම් නොමැති නිසා මහල් නිවාස ඉදිකිරීම මෑත කාලයේ නිවාස හිඟයට ඇති විසඳුමට පිළියමකි. කෙතරම් මිල අධික වුවත් ඒවාද මිලදී ගැනීමට පාරිභෝගිකයෝ සිටිති.
කොළඹ නගරයට පිටින් බලන කල මේ දිනවල වැඩිම මිලකට පර්චසයක් අලෙවි වෙන්නේ තලවතුගොඩ, මාලඹේ, හෝමාගම වැනි ප්‍රදේශවලයි. තලවතුගොඩ ප්‍රදේශයේ පර්චසයක මිල රුපියල් ලක්ෂ 10 ක් වැනි මිලකට අළෙවි වෙයි. මීට අමරව නාවල ප්‍රදේශයේ එක් පර්චසයක් අළෙවි කෙරෙන්නේ ලක්ෂ 10ක් වැනි මිලකටයි. මෙයට වසර කිහිපයට පෙර කොළඹ නගරයට පැමිණි කෙනෙකුට අද පැමිණියහොත් දැකිය හැකි වෙන්නේ හාත්පසින්ම වෙනස් නගරයකි. වෙනදා තිබූ දැකුම්කළු කොළඹ නගරය වෙනුවට අද දැකිය හැක්කේ දැවැන්ත ගොඩනැගිලිවලින් ගහන ප්‍රදේශයකි. රාත්‍රී කාලයේදී විදුලි බුබුලුවලින් අලංකාර කොළඹ නගරයේ රාත්‍රී සැරිරසන්නෙකුට ඒ අලංකාරය දැකිය හැක.
කොළඹ නගරයට මදක් ඔබ්බෙන් වූ නගර ගැන කතා කළහොත් වැඩියෙන්ම ඉඩම් අළෙවි වන නගරයකි ගම්පහ දිස්ත්‍රික්කය. අද වන විට මිනුවන්ගොඩ ප්‍රදේශයේ පර්චසයක් අලෙවි කෙරෙන්නේ රුපියල් 1,19,000ක් පමණ මිලකටයි. නිට්ටඹුවේ පර්චසයක් 3,90,000කට පමණ අලෙවි කෙරේ. මීගොඩ හා හෝමාගම ප්‍රදේශයේ පර්චසයක් රුපියල් 1,35,000ත් 2,20,000ත් අතර මිලට අළෙවි වෙයි.
අද වන විට බොහෝ ඉඩම් වෙන්දේසිකරුවන්ගේ ග්‍රහණයට නතුවී ඇත. ඉතා සුළු මුදලකට ඔවුන් ප්‍රදේශයේ ඉඩම් මිලදී ගෙන එය කොටස් කර ඉතා වැඩි මුදලකට අලෙවි කෙරේ. කොළඹ නගර සීමාව තුළ කිසිදු හිස් බිම් ප්‍රදේශයක් සොයා ගැනීමටත් නැති තරම්ය. පර්චර්ස් 20ක් හෝ 30ක් වැනි ප්‍රදේශයක ඇති ඉඩමක විශාල තට්ටු නිවාස ඉදිකර ඉතා වැඩි මුදලකට අලෙවි කෙරේ.
මෙතරම් විශාල ගොඩනැගිලි ඉදිකිරීම භූමියට ඔරොත්තු දෙන්නේ ද යන්න පිළිබඳ සිතා බැලිය යුතු ෙනාවේද? තවත් නොෙබා් දිනකින් කොළඹ නගරයේ ඉදිවෙන ගොඩනැගිලි සංඛ්‍යාව මෙතෙකැයි කියා කීමට නොහැක. දිනෙන් දින දියුණුවට පත්වෙන කොළඹ නගරය සිතාගන්නට නොහැකි ලෙස දියුණු වී තිබේ.
සටහන
නිශාන්ත කුමාර බණ්ඩාර
