(රවින්ද්‍ර විරාජ් අබයසිරි)
මාතලේ  නගරාධිපතිවරයාගේ නිල රියදුරා විසින් මහ නගර සභාවේ නාගරික කොමසාරිස්වරයාට බැන තර්ජනය කිරිමට විරෝධය දක්වමින් නගර සභාවේ උප නගරාධිපතිවරයා ඇතුළු මන්ත්‍රීවරු සිව්දෙනෙක් අද (16) දින නගර සභවේ ගේට්ටුව ඉදිරිපිට බිම වාඩිවී විරෝධතාවක නිරතවූහ.
 
ඊයේ  (15) වන දින  නගරාධිපතිවරයාගේ රියදුරු සමග තවත් රියදුරෙකු (14) වන දින රාත්‍රියේ නිසි අවසරයකින් තොරව නගර සභාව සතු  රථ  දෙකක් රැගෙනගොස් ඇති බවට නාගරික කොමසාරිස්වරයාට ලැබුණු තොරතුකට අනුව ඒ පිලිබද එම රියදුරන්ගෙන් විමසා මින් ඉදිරියට එවැනි ක්‍රියාවන් සිදු නොකරන ලෙසත් එවැන්නක් සිදු කලහොත් නිතිමය පියවර ගන්නා බවට නගරික කොමසාරිස්වරයා විසින් රියදුරන්ට දන්වා තිබේ.
 
එම ප්‍රකාශයට එරෙහිවු රියදුරන් හා නගරාධිපතිවරයා  නාගරික කොමසාරිස්වරයරයාට බැණ තර්ජනය කළ බවට නාගරික කොමසාරිස්වරයා විසින් ඊයේ (15) දින මාතලේ පොලිසිය වෙත පැමිණිලි කර තිබේ. නමුත් ඒ පැමිණිල්ලට මේ වනතුරුත් පොලිසිය ක්‍රියාත්මක නොවිමට හා දිගින් දිගටම නිළධාරීන්ට හා නාගරික මන්ත්‍රීවරුන්ට සිදුවන මැරතර්ජයන්ට එරෙහිව උප නගරාධිපති සන්දනම් ප්‍රකාශ් හා අමිල නිරෝෂන එම් වීරසිංහ (පොදුජන පෙරමුණ ) හා එම් නිලාෆ් (ජවිපෙ) මන්ත්‍රිවරු විරෝධතාවේ නිරත වුහ.