(නාලක සංජීව දහනායක)

 

රටවල් 48 ක් සදහා ලබාදී තිබූ නිදහස් වීසා කාලය අපේ‍්‍රල් මස 30 වැනිදා දක්වා දීර්ඝ කිරීමට අනුමැතිය ලබාගැනීමට කැබිනට් පත‍්‍රිකාවක් ඉදිරිපත් කරන බව කාර්මික අපනයන, ආයෝජන ප‍්‍රවර්ධන සංචාරක හා ගුවන්සේවා අමාත්‍ය ප‍්‍රසන්න රණතුංග මහතා පැවසීය.

පසුගිය වසරේ අපේ‍්‍රල් මස 21 වැනිදා එල්ලවූ ත‍්‍රස්තවාදී ප‍්‍රහාරයෙන් පසුව මෙරටට සංචාරකයන්ගේ පැමිණීම ඉතාම අවම මට්ටමක පැවැතීම නිසා පසුගිය වසරේ අගෝස්තු මස සිට සංචාරකයන් මෙරටට පැමිණීමේ නිදහස් වීසා පහසුකම ලබාදී තිබිණි.  

එම නිදහස් වීසා කාලය මේ මස 31 වැනිදායින් අවසන් වීමට නියමතව තිබුණි. නමුත් මේ වනවිට සංචාරකයන්ගේ පැමිණීම ඉහළ ගොස් ඇතත් එය තවදුරටත් වර්ධනය කර ගැනීමේ අරමුණින් මෙම නිදහස් වීසා කාලය ලබාදෙන බව අමාත්‍යවරයා කීය.  

ඇමරිකාව, ඕස්ටේ‍්‍රලියාව, චීනය, ඉන්දියාව, ඉතාලිය, ජපානය, රුසියාව, ජර්මනිය, ප‍්‍රංශය, ස්විස්ටර්ලන්තය ඇතුළු රටවල් 48 ක් සඳහා මෙම නිදහස් වීසා පහසුකම ලබාදී තිබිණි.