අජිත්ලාල් ශාන්තඋදය සහ ජයන්ත නානායක්කාර
සබරගමු පළාත් සභාව විසුරුවා හැර වසරකට වැඩි කාලයක් ඉක්ම යද්දී වර්තමානයේ එහි ආණ්ඩුකාරවරිය ලෙස කටයුතු කරන නිලූකා ඒකනායක මහත්මිය පළාත් සභා ප‍්‍රඥාප්ති සහ නීතිරීති උල්ලංඝණය කරන බැවින් ඇයට එරෙහිව නොබෝ දිනක් තුළ අධිකරණය හමුවේ නඩු පැවරීමට ඒකාබද්ධ විපක්ෂය කටයුතු කරන බව රත්නපුර දිස්ත‍්‍රික් පාර්ලිමේන්තු මන්ත‍්‍රී ටී. රංජිත් සොයිසා මහතා පැවසීය.
ඇඹිලිපිටියේ පැවති මාධ්‍ය හමුවකදී කරුණු දැක්වූ වර්තමානයේ ඒකාබද්ධ විපක්ෂය නියෝජනය කරන රත්නපුර දිස්ත‍්‍රික් පාර්ලිමේන්තු මන්ත‍්‍රී ටී. රංජිත් සොයිසා මහතා වත්මන් ආණ්ඩුකාරවරිය ඇගේ බලතල පාවිච්චි කරමින් පළාත් සභාවේ ප‍්‍රඥාප්ති සහ අණ පනත් සියල්ල උල්ලංඝණය කරන බවද කීවේය.
ඇය මාර්ගස්ථ මගී ප‍්‍රවාහන අධිකාරියට සහ පළාත් යන්ත්‍රෝපාකරණ ආයතනය වූ ඩෙක්මා ආයතනවලට ප‍්‍රධානීන් පත්කර ඇතත් එම පත්කිරීම සම්පූර්ණ නීතිවිරෝධී බවද මන්ත‍්‍රීවරයා කීය.
එසේ ම ආණ්ඩුකාරවරිය ඉදිරි වසර සඳහා මුදල් පරිපූරක ඉදිරිපත් කර සම්මත කර ගැනීමට උත්සාහ ගන්නා බවට ද රංජිත් සොයිසා මන්ත‍්‍රීවරයා චෝදනා කළේ ය.
රවින් Tuesday, 23 October 2018 07:52 AM
ඉස්සර හිටපු මැර කට්ටියට බලේ නැතිවේගන යනවා වගේ. අනිකුත් මත්ද්‍රව්‍ය ප්රවාහනය?
Reply : 0 0
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
