(ඩයනා උදයංගනී)

පසුගිය රජය සමයේ කළ සැපයුම් හා කොන්ත‍්‍රාත් කටයුතු වෙනුවෙන් වන ගෙවීම් සිදුකිරීම සඳහා රජය පාර්ලිමේන්තුවට ඉදිරිපත් කළ යෝජනා සම්මත කරගැනීමට ඉඩ නොදීම වරදක් බව දැන්වත් වැටහෙනවා නම් දැන් හෝ එය නිවැරදි කිරීමේ හැකියාව විපක්‍ෂ නායකවරයාට තිබෙන බව කැබිනට් ප‍්‍රකාශක, තොරතුරු හා සන්නිවේදන තාක්‍ෂණ, උසස් අධ්‍යාපන අමාත්‍ය, ආචාර්ය බන්දුල ගුණවර්ධන මහතා පැවසීය.

පාර්ලිමේන්තුව විසිරවීමට පෙර කතානායකවරයා හමුවී පාර්ලිමේන්තුව රැස්කර යෝජනාව සම්මත කරදීමේ හැකියාව විපක්‍ෂ නායකවරයාට හැකි බව ද  ඇමතිවරයා කීවේය.

මෙම යෝජනාව සම්මත නොවීමෙන් පීඩාවට පත්ව සිටින්නේ එක්සත් ජාතික පක්ෂ රජය සමයේ සැපයුම් හා කොන්ත‍්‍රාත් කළ එම පක්‍ෂයට හිතවත් අය බැවින් කතානායකවරයා හෝ විපක්‍ෂය හමුවී මේ සම්බන්ධ පියවරක් ගනු ඇතැයි බලාපොරොත්තු වන බව බන්දුල ගුණවර්ධන මහතා සඳහන් කළේය.

අමාත්‍ය බන්දුල ගුණවර්ධන මහතා මේ බව පැවසුවේ රජයේ ප‍්‍රවෘත්ති දෙපාර්තමේන්තුවේදී අද (24) පැවති මාධ්‍ය හමුවක් අමතමිනි.