යුනියන් ඇෂුවරන්ස් සමාගම මෙරට රක්ෂණ ක්ෂේත්‍රයේ තවත් සුවිශේෂී සන්ධිස්ථානයක් සනිටුහන් කරමින් ‘යුනියන් ඇෂුවරන්ස් ප්‍රිමියර් ක්ලබ්’ වැඩසටහන හඳුන්වා දී තිබේ. විකුණුම් හා පාරිභෝගික සේවාවන් තුළදී විශිෂ්ටතම දක්ෂතා පෙන්නුම් කරන රක්ෂණ උපදේශකවරුන් ඇගයීමට ලක්කිරීම මෙහි අරමුණ වී ඇත.

මේ සම්බන්ධයෙන් අදහස් දක්වමින් යුනියන් ඇෂුවරන්ස් සමාගමේ ප්‍රධාන බෙදාහැරීම් නිලධාරී සෙනාත් ජයතිලක මහතා මෙසේ පැවසී ය. “ගනුදෙනුකරුවන්ට රක්ෂණ විසඳුම් පිරිනැමීමේදී අප අනුගමනය කරන ක්‍රමවේදයන් තවදුරටත් වැඩිදියුණු කිරීම සඳහා අප මේ දක්වා පියවර රැසක් ගෙන තිබෙනවා. සාමාන්‍යයෙන් ගනුදෙනුකරුවන් ප්‍රධාන වශයෙන් ගනුදෙනු කරන්නේ රක්ෂණ උපදේශකවරුන් සමගයි. මෙම ගනුදෙනුව, අදාළ ගනුදෙනුකරුවන්ගේ අවශ්‍යතාවන්ට හොඳින්ම ගැළපෙන විසඳුම් හඳුනාගෙන එම විසඳුම් පිරිනමන ගනුදෙනුවක් වීම වැදගත්. මෙම ක්‍රියාවලිය තුළදී ගනුදෙනුකරුවන්ට විශිෂ්ටතම අත්දැකීමක් තිළිණ කිරීමට සමත් වන රක්ෂණ උපදේශකවරුන් ඇගයීමට ලක්කිරීම ‘යුනියන් ඇෂුවරන්ස් ප්‍රිමියර් ක්ලබ්’ වැඩසටහනේ ඉලක්කය වී තිබෙනවා. මෙය රක්ෂණ උපදේශකවරුන්ට මෙරට රක්ෂණ ක්ෂේත්‍රය තුළ හිමිවන විශිෂ්ටතම මට්ටමේ ත්‍යාග හා ඇගයුම් හිමිකර ගැනීමට ලැබෙන සුවිශේෂී අවස්ථාවක් ලෙස හැඳින්විය හැකියි.”

‘යුනියන් ඇෂුවරන්ස් ප්‍රිමියර් ක්ලබ්’ සඳහා සුදුසුකම් ලබන රක්ෂණ උපදේශකවරුන්ට, සමාගම මගින් නඩත්තු කරනු ලබන සුඛෝපභෝගී වාහනයක් (ඉන්ධන සමග) සහ විවිධාකාර වූ මුදල් ත්‍යාග ආදිය මෙන්ම, තම වෘත්තීය ජීවිතයේ දියුණුවට අතිශයින් වැදගත් වන පුහුණු හා සංවර්ධන වැඩසටහන් වලට සහභාගී වීමේ අවස්ථාව ඇතුළු වටිනා ප්‍රතිලාභ රාශියක් හිමිවනු ඇත.

ශ්‍රී ලාංකිකයන්ගේ සිහින හා අපේක්ෂාවන් යථාර්ථයක් බවට පත්කරමින් වඩාත් සුරක්ෂිත ශ්‍රී ලංකාවක් බිහිකිරීම සඳහා යන ගමනේදී, ගනුදෙනුකරුවන්ට විශිෂ්ට සේවාවක් සැපයීම සිය අරමුණ කරගත් රක්ෂණ උපදේශකවරුන් අතිශය වැදගත් කාර්යභාරයක් ඉටුකරන බව යුනියන් ඇෂුවරන්ස් සමාගම විශ්වාස කරයි. එම කාර්යභාරය තවදුරටත් දිරිමත් කිරීම ‘යුනියන් ඇෂුවරන්ස් ප්‍රිමියර් ක්ලබ්’ වැඩසටහනේ ඉලක්කය වී තිබේ.

ශ්‍රී ලංකාවේ විශාලතම ලැයිස්තුගත සමූහ ව්‍යාපාරය වන ජෝන් කීල්ස් සමූහයේ සාමාජිකයෙකු සහ, මෙරට වැඩිම සම්මාන ගණනකින් පිදුම් ලැබූ රක්ෂණ සමාගම් අතරින් එකක් වන යුනියන් ඇෂුවරන්ස් සමාගම, රු. බිලියන 18.4 ක වෙළඳපොළ ප්‍රාග්ධනීකරණයක්, රු. බිලියන 43.3 ක ක ජීවිත රක්ෂණ අරමුදලක් සහ, 2021 මාර්තු මාසය වන විට 306% ක ප්‍රාග්ධන සප්‍රමාණතා අනුපාතයක් (Capital Adequacy Ratio - CAR) වාර්තා කරගෙන ඇත. ශ්‍රී ලාංකිකයන්ට තම සිහින හඹා යාමට අත්වැලක් වෙමින් එම සමාගම, අධ්‍යාපනය, සෞඛ්‍ය, ආයෝජන, රැකවරණය සහ විශ්‍රාම ජීවිතය යන විවිධ අංශ ආවරණය වන පරිදි රක්ෂණ විසඳුම් රාශියක් හඳුන්වා දී තිබේ. දිවයින පුරා විසිරුණු ශාඛා 76 ක් සහ 3,000 කට අධික කාර්ය මණ්ඩලයක් සමගින් යුනියන් ඇෂුවරන්ස් සමාගම මෙරට රක්ෂණ ක්ෂේත්‍රයේ පරිවර්තනයන්ට සාර්ථක ලෙස මුහුණ දෙමින්, මානව සම්පත්, සේවාවන් හා ක්‍රියාවලි වැඩිදියුණු කිරීම සඳහා දිගින් දිගටම ආයෝජනයන් සිදුකරමින් සිටී.