යුනියන් ඇෂුවරන්ස් සමාගම, මේ දුෂ්කර කාලපරිච්ඡේදය තුළ සිය රක්ෂණ හිමියන්ට සුවිශේෂී සහනයක් සැලසීමේ අරමුණින් COVID-19 ආවරණයක් හඳුන්වා දී තිබේ. මෙරට විශාලතම රක්ෂණ සමාගම් අතරින් එකක් වන යුනියන් ඇෂුවරන්ස් සමාගම, තම ප්රතිඥාව වන ‘ඔබේ ජීවිතය, අපේ ශක්තිය’ යන්න නැවත වරක් තහවුරු කරමින්, මේ අනපේක්ෂිත දුෂ්කරතා හමුවේ ගනුදෙනුකරුවන්ගේ අවශ්යතාවන් මැනවින් හඳුනාගෙන, එම අවශ්යතාවන් සපුරාලීමේ පියවරක් වශයෙන් මෙම හඳුන්වාදීම සිදුකර ඇත.
නොමිලේ පිරිනමනු ලබන ආවරණයක් වන මෙම COVID-19 ආවරණය ලබාගැනීමේ අවස්ථාව නැවතත් උදාකර දී ඇත්තේ, පවතින අවිනිශ්චිත තත්ත්වය හමුවේ වර්තමාන ගනුදෙනුකරුවන්ට මෙන්ම අනාගත ගනුදෙනුකරුවන්ටද සහනයක් සැලසීමේ පියවරක් වශයෙනි. මෙමගින් රක්ෂණ හිමියාගේ මරණය සඳහා රු. මිලියනයක් දක්වා වන ආවරණයක් හිමි වේ. නොමිලේ ලැබෙන මෙම ආවරණය, 2020 නොවැම්බර් 02 දින සිට 2020 දෙසැම්බර් 01 දක්වා මාසයක කාලයක් වලංගු වනු ඇත.
එපමණක් නොව, ශ්රී ලංකාව තුළ COVID-19 රෝගය පැතිර යාම ආරම්භ වීමෙන් අනතුරුව, නිරෝධායන ප්රතිකාර සඳහා රෝහල්ගත වන රක්ෂණ හිමියන් වෙනුවෙන් විශේෂ රෝහල් දීමනාවක් ලබාදීමටද යුනියන් ඇෂුවරන්ස් සමාගම කටයුතු කළේ ය. ඒ අනුව, ප්රථම වරට නිරෝධායන ප්රතිකාර සඳහා දීමනාවක් ලබාදුන් රක්ෂණ සමාගම් අතරට යුනියන් ඇෂුවරන්ස් සමාගමද එක් විය. මෙම දීමනාව දිගටම ක්රියාත්මක වන බවත්, 2020 ඔක්තෝබර් 20 සිට සිට 2020 දෙසැම්බර් 31 දින දක්වා කාලසීමාව තුළ COVID-19 රෝගය නිසා ප්රතිකාර වලට යොමුවීම් සම්බන්ධයෙන් ඉදිරිපත් වන ඉල්ලීම් ඒ අනුව සලකා බැලෙනු ඇති බවත් සමාගම නිවේදනය කර ඇත.
පවතින දැඩි දුෂ්කරතා හමුවේ පවා තම රක්ෂණ හිමියන්ට විශිෂ්ට තලයේ රැකවරණයක් ලබාදීමටත්, ඔවුන්ගේ පවුල් මූල්යමය වශයෙන් සවිබල ගැන්වීමටත් යුනියන් ඇෂුවරන්ස් සූදානමින් සිටී.
“COVID-19 වසංගතය යනු ගෝලීය සෞඛ්ය, ආර්ථික හා සමාජයීය අර්බුදයක්. එය සියලුම තරාතිරම් වලට අයත් පුද්ගලයන්ට බලපා තිබෙනවා. මෙවැනි පසුබිමක් තුළ, තම පවුල් වල අනාගතය පිළිබඳව සිත්තැවුලෙන් පසුවන රක්ෂණ හිමියන්ට සහනයක් සැලසීම සඳහා අප මේ අතිශයින් කාලෝචිත ආවරණය නොමිලයේ පිරිනැමීමට තීරණය කළා. මෙහි විශේෂත්වය වන්නේ අපගේ වර්තමාන ගනුදෙනුකරුවන්ට පමණක් නොව නව ගනුදෙනුකරුවන්ටද මෙම ආවරණය ලබාගත හැකිවීමයි. එමගින් සමස්ත ශ්රී ලංකාවාසීන්ට තම පවුල්වල අනාගතය සුරක්ෂිත කිරීම සඳහා අවස්ථාව උදාවී තිබෙනවා.” යුනියන් ඇෂුවරන්ස් සමාගමේ ප්රධාන විධායක නිලධාරී ජූඩ් ගෝම්ස් මහතා පැවසී ය.
පැය 24 පුරා ක්රියාත්මක යුනියන් ඇෂුවරන්ස් ක්ෂණික ඇමතුම් අංකය වන 1330 ඇමතීමෙන් හෝ mailto:[email protected] ඊමේල් ලිපිනය ඔස්සේ COVID-19 ආවරණය පිළිබඳව වැඩිදුර විස්තර ලබාගත හැක. ඊට අමතරව www.unionassurance.com වෙබ් අඩවියට පිවිසී චැට් සේවාව භාවිතා කිරීමෙන්ද විස්තර ලබාගත හැකි වේ.
ශ්රී ලංකාවේ වැඩිම සම්මාන ගණනකින් පිදුම් ලැබූ රක්ෂණ සමාගම් අතරින් එකක් වන යුනියන් ඇෂුවරන්ස් සමාගම, වසර 30 කට අධික සාර්ථක ඉතිහාසයක අභිමානය සමගින්, රු. බිලියන 18 ක වෙළඳපොළ ප්රාග්ධනීකරණයක්, රු. බිලියන 38 ක ජීවිත රක්ෂණ අරමුදලක් සහ, 2020 අගෝස්තු මාසය වන විට 434% ක ප්රාග්ධන සප්රමාණතා අනුපාතයක් (Capital Adequacy Ratio - CAR) වාර්තා කරගෙන ඇත. ශ්රී ලාංකිකයන්ට තම සිහින හඹා යාමට අත්වැලක් වෙමින් එම සමාගම, අධ්යාපනය, සෞඛ්ය, ආයෝජන, රැකවරණය සහ විශ්රාම ජීවිතය යන විවිධ අංශ ආවරණය වන පරිදි රක්ෂණ විසඳුම් රාශියක් හඳුන්වා දී තිබේ. දිවයින පුරා විසිරුණු ශාඛා 76 ක් සහ 3,000 කට අධික කාර්ය මණ්ඩලයක් සමගින් යුනියන් ඇෂුවරන්ස් සමාගම මෙරට රක්ෂණ ක්ෂේත්රයේ පරිවර්තනයන්ට සාර්ථක ලෙස මුහුණ දෙමින්, මානව සම්පත්, සේවාවන් හා ක්රියාවලි වැඩිදියුණු කිරීම සඳහා දිගින් දිගටම ආයෝජනයන් සිදුකරමින් සිටී.
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
හලාල් ප්රතීතන කවුන්සිලය (Halal Accreditation Council), ජාතික අපනයනකරුවන්ගේ මණ්ඩලයේ (NCE) සංවිධානත්වයෙන් 2023 දෙසැම්බර් 8වන දින පැවැත්වුණු 31 වැනි NCE අපනයන සම්මාන උළෙලේ දී අඛණ්
2024 වසරේ “වසන්තයේ හඬ•ස්වර්ණමය සිහිනය” නමැති අන්තර් ජාතික වසන්ත උත්සව කලා ප්රසංගයට එක් වන ප්රාසාංගික කණ්ඩායම පසුගිය 17වනදා ඩකා නගරයේ බංග්ලාදේශ කලා ඇකඩ
ශ්රී ලංකා ඉන්ෂුවරන්ස් ලයිෆ් මෙවරත්, අනාගතයට වටිනාම සුබ පැතුම එක්කරන සුබ පැතුම් ශිෂ්යත්ව 300ක් පිරිනැමීමට කටයුතු සූදානම් කර තිබේ.
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
යුනියන් ඇෂුවරන්ස් සමාගමෙන් COVID-19 ආවරණයක්