(තිළිණි ද සිල්වා)
 
පොදු සමා කාලය තුළ කුවේට් නීතියට අනුව කටයුතු කරන ලෙස කුවේට්හි ශ්‍රී ලංකා තනාපති කන්දීපන් බාලසුබ‍්‍රමනියම් මහතා ශ්‍රී ලංකා ශ‍්‍රමිකයින් ගෙන් ඉල්ලා සිටී. 

එසේ නොමැති වුවහොත් පොදු සමාකාලයෙන් පසුව එරට රැදී සිටින ශ්‍රීලාංකිකයින් අත්අඩංගුවට ගෙන එරටින් පිටුවහල් කරනු ඇති බව ශ්‍රී ලංකා තානාපතිවරයා  පැවසීය.

බී.බී.සී ලෝක සේවය සමඟ  සාකච්ඡාවකට එක්වෙමින් කුවේට් ශ්‍රී ලංකා තානාපති කන්දිපන් බාලසුබ‍්‍රමනියම් මහතා මේ බව සඳහන් කර ඇත. 

කුවේට්හි අනවසරෙන් රැදී සිටින විදේශ ශ‍්‍රමිකයින්ට එරටින් පිටවීම සඳහා කුවේටය විසින් ප‍්‍රකාශයට පත් කළ පොදු සමා කාලය ඉකුත් 22 වැන දා අවසන් වීමට නියමිතව තිබුණ ද එම කාලය තවත් මාස දෙකකට එනම් ලබන අපේ‍්‍රල් මස 20 වැනි දා දක්වා දීර්ඝ කිරිමට කුවේට් බලධාරින් පියවර ගත්තේය. 

ඒ අනුව එම කාලය උපරිම ප‍්‍රයෝජනයට ගෙන එරටින් පිටවන ලෙස කුවේට්හි ශ්‍රී ලංකා තානාපතිවරයා දැනුම් දෙයි. 

ශ්‍රී ලංකා තානාපතිවරයා වැඩිදුරටත් සඳහන් කරනුයේ  මෙම පොදු සමා කාලයෙන් පසුව නීතිවිරෝධීව කුවේට්හි රැඳී සිටින නීතිවිරෝධී ශ‍්‍රමිකයින් සම්බන්ධයෙන් කුවේට් බලධාරින් දැඩි තීරණයක් ගනු ඇති බවයි.