ඉරානය ඔවුන්ගේ න්යෂ්ටික වැඩසටහනට මුවා වී පරමාණු බෝම්බ නිපදවන බවට චෝදනා කරමින් ඇමෙරිකාව ප්රමුඛ බටහිර රටවල්, ඉරානයේ තෙල් වෙළෙඳ කටයුතුවලට එරෙහිව පනවා ඇති සම්බාධක ආසාධාරණ බවත්, ඇමෙරිකාව ප්රමුඛ බටහිර රටවල් එක් වී, තනි රටකට එවැනි සම්බාධක පැනැවීම කිසිසේත් අනුමත කළ නොහැකි බවත් චීනය පවසයි. ඉරානයේ න්යෂ්ටික වැඩසටහන සම්බන්ධයෙන් හටගෙන ඇති අර්බුදය විසඳිය හැක්කේ රාජතාන්ති්රක සාකච්ඡුාවලින් පමණක් යැයි ද ඇමෙරිකාවේ වොෂින්ටන් නුවර සිටින චීන තානාපති ජෙන් ෂුඅං ඊයේ (12) මාධ්ය හමුවකදී අවධාරණය කළේය. ඉරාන අර්බුදය දේශපාලනික මට්ටමෙන් සාමකාමීව විසඳීමට ආසියාවේ ආර්ථික බලවතා වන චීනය මැදිහත් වී කටයුතු කිරීමට සූදානමින් සිටින බව ද චීන රජය වෙනුවෙන් ජෙන් ෂුඅං මාධ්යවේදීන් හමුවේ කියා සිටියේය. ජෙන් ෂුඅං මෙසේ අදහස් දක්වා සිටියේ, ඇමෙරිකා රාජ්ය ලේකම් හිලරි ක්ලින්ටන් පෙරේදා (11) රාති්රයේ කළ නිවේදනයකට ප්රතිචාර දක්වමිනි. එම නිවේදනයේ සඳහන් වූයේ ඉරානයේ තෙල් ගනුදෙනුවලට එරෙහිව ඇමෙරිකාව පැනැවූ වෙළෙඳ සම්බාධක ලබන 28 වැනිදා කි්රයාත්මක වන බවය. එම වෙළෙඳ සම්බාධක දැමීමෙන් ඇමෙරිකාව බලාපොරොත්තු වන්නේ ‘හිතුවක්කාර’ අන්දමින් න්යෂ්ටික කටයුතු සිදු කරන ඉරානය ලොවෙන් හුදෙකලා කිරීමය. ඉරානය තරයේ කියා සිටින්නේ තම න්යෂ්ටික වැඩසටහන රටේ බලශක්ති අර්බුදයට විසඳුමක් සෙවීමට කි්රයාත්මක වන බවත් පරමාණු බෝම්බ නිපදවීමක් තමන් සිදු නොකරන බවත්ය. ඉරානය සමඟ දැනට තෙල් ගනුදෙනු සිදුකරන නමුත් ඇමෙරිකාවේ ඉල්ලීම පරිදි එම ගනුදෙනු නැවැත්වීමට කැමැත්ත පළ කළ ශ්රී ලංකාව ද ඇතුළු රටවල් රැසකට තෙල් ගනුදෙනු සම්බන්ධයෙන් තමන් පනවා ඇති දැඩි කොන්දේසි ලිහිල් කරමින් සහනයක් ලබා දෙන බව ද ඇමෙරිකා රජය තීරණය කළේ යැයි ඇමෙරිකා රාජ්ය ලේකම්ගේ නිවේදනයේ සඳහන් වෙයි. ශ්රී ලංකාවට අමතරව ඉන්දියාව දකුණු අපි්රකාව, දකුණු කොරියාව, මැලේසියාව, තායිවානය සහ තුර්කිය යන රටවලට ද ලබන 28 වැනිදා සිට එම සහනය හිමිවේ. ඉරානයෙන් තෙල් මිලදී ගත් ජපානයටත් යුරෝපා සංගමයේ රටවල් 10 කටත් ඉකුත් මාර්තු මාසයේදී මෙවැනි සහනයක් හිමිවිය. මෙම රටවලට එකවරම ඉරානය සමඟ තෙල් ගනුදෙනු නවතා දැමීමට සිදුනොවන අතර නව ගනුදෙනුකරුවන් සොයා ගැනීමටත් නව වෙළෙඳ ගිවිසුම් ඇති කර ගැනීමටත් සහන කාලයක් ලබා දීමට ඇමෙරිකා රජය කැමැත්ත පළ කර තිබේ. කෙසේ නමුත් එම සහනය චීනයට ලබා නොදෙන බව ඇමෙරිකාව පවසා ඇත. චීනය, ඉරානයෙන් තෙල් ගන්නා ප්රධාන රටකි. ඉරානයෙන් තෙල් මිලදී ගන්නා ප්රධාන පෙළේ තවත් රටක් වන ඉන්දියාව, ඇමෙරිකාව පනවා ඇති මෙම තහංචි සම්බන්ධයෙන් වැඩි සැලකිල්ලක් නොදක්වන බව පෙනී ගොස් ඇතැයි දේශපාලන විචාරකයෝ පවසති. ඉන්දියාව ඇමෙරිකාවේ සමීපතම මිතුරෙකි. ආසියාවේ බලවතා වන චීනය ඇමෙරිකාවට අභියෝගයක් වෙද්දී, ඇමෙරිකාව ඉන්දියාවට සමීප වී සිටී. ඇමෙරිකාවේ තහංචි මඟහැර, තෙල් මිලදී ගැනීමට ක්රමවේදයක් සකස් කරන බව ඉන්දියාව පවසයි. මීට පෙර අවස්ථාවකදී ඉන්දීය රජය කියා සිටියේ ඉරානය සමඟ තෙල් ගනුදෙනු කරද්දී ඇමෙරිකන් ඩොලරය වෙනුවට මුදල් ඒකකයක් ලෙස රත්තරන් යොදා ගැනීමට කටයුතු කරන බවය.
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
මාස දෙකහමාරක් තිස්සේ වට හතකින් පැවැත්වෙන ඉන්දීය මහ මැතිවරණයේ දෙවැනි වටය හෙට (26) ආරම්භ වෙයි. කේරළ සහ කර්ණාඨක ප්රාන්ත වැසියන්ට ඡන්දය ප්රකාශ කිරීමට අවස්
ග්රීසියේ ඇතන්ස් අගනුවර වැසියන් මවිතයට පත් කරමින්, ඇතන්ස් අහස අඳුරු වී තැඹිලි පැහැයක් ගත්තේය. මෙම අසාමාන්ය සංසිද්ධිය සම්බන්ධයෙන්, ග්රීක කාලගුණ විද
යුක්රේනයට පවුම් මිලියන 500 (ඇමෙරිකන් ඩොලර් මිලියන 500) ක යුද ආධාර පැකේජයක් යුක්රේනයට ලබා දීමට බි්රතාන්ය අග්රාමාත්ය රිෂී සුනාක් කැමැත්ත පළ කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඉරාන තෙල් වෙළෙඳාමේ ඇමෙරිකානු සම්බාධකවලට චීනයෙන් විරෝධය
මනොජ් Wednesday, 13 June 2012 01:07 PM
එන්න එන්න -ඉන්දියා ... !!!