කොරෝනා වයිරසයේ ව්යාප්තිය පාලනය කිරීම සඳහා පැනවූ සීමා හේතුවෙන් වසා දැමුණු ආපනශාලා, තේපැන්හල්, බීමහල් විවෘත කිරීමට ඉතාලිය පියවර ගෙන ඇත.
නිවසේදී හෝ ඉන් පිටතදී හෝ සිය පවුල්වල සාමාජිකයන්, හිතමිතුරන්, සමීපතමයන් හෝ තමන්ට කැමැති ඕනෑම පුද්ගලයකු මුණ ගැසීමට මේ වනවිට ඉතාලි ජනතාවට අවසරය හිමි ව තිබේ.
කෙසේ නමුත් විශාල මහජන රැස්වීම් තවමත් තහනම් වන අතර පොදු ස්ථානවලදී මුඛ ආවරණ පැළැඳීම අනිවාර්ය වේ.
එපමණක් නොව පොදු ස්ථානවලදී සමාජ දුරස්ථභාවය ද පවත්වා ගත යුතුය.
චීනයේ හුබෙයි පළාතේ වූහාන් නගරයෙන් ව්යාප්ත වීමට පටන් ගත් බව කියන නව කොරෝනා වයිරසයෙන් වැඩිම බලපෑමක් එල්ල වූ රටක් වනුයේ ඉතාලිය යි.
නව කොරෝනා වයිරසයේ ව්යාප්තිය පාලනය කිරීම සඳහා ඉතාලිය මාස දෙකකට ආසන්න කාලයක් වසා දැමිණි.
ඉතාලි බලධාරිහු වසංගතය ව්යාප්ත වීම පාලනය කිරීම සඳහා පැනවූ මැයි මස 4 වැනිදා සිට ලිහිල් කිරීමට පියවර ගත්හ.
මැයි මස 25 වැනිදා කායවර්ධන මධ්යස්ථාන, පිහිණුම් තටාක සහ ක්රීඩා මධ්යස්ථාන විවෘත කිරීමට ද ඉතාලි බලධාරීහු තීරණය කර ඇත.
යුරෝපයේ ෂෙන්ගන් කලාපයේ පිරිස්වලට ජූනි 3 වැනිදා සිට ඉතාලියට යෑමට අවස්ථාව ලැබෙන අතර එය ඉතාලියේ සංචාරක කර්මාන්තය විශාල පිටුවහලක් වනු ඇත.
එතැන් පටන් ඉතාලි වැසියන්ට නිදහසේ රට තුළ ගමන් කිරීමටත් සංචාරය කිරීමටත් අවස්ථාව උදා වේ.
ඉතාලියේ සිනමාශාලා විවෘත කෙරෙන්නේ ජූනි 15 වැනිදා ය.
නව කොරෝනා වයිරසය හෙවත් ‘කොවිඩ්-19’ වසංගතය හේතුවෙන් ඉතාලිය දින 69කට අධික කාලයක් අඟුළු දමා තිබිණි.
ඉතාලිය යනු ‘පීසා’වලට සුප්රකට රට ය. කොරෝනා වයිරසය හේතුවෙන් ඉතාලියේ අවන්හල් වසා දැමුණු අතර එරට ජනතාවට පීසාවල රස විඳීමේ අවස්ථා ද සීමා විය. අවන්හල්, බීමහල් විවෘත කිරීමත් සමඟ පීසා රසවිඳීමේ අවස්ථාව ද එරට ජනතාවට උදා වී ඇත.
අවන්හල් විවෘත කළ ද ඒවා පවත්වාගෙන යෑම සම්බන්ධයෙන් ගැටලුවක් උද්ගත වී ඇත. පාරිභෝගිකයන්ට අවන්හල්වල සිට ආහාර ගැනීමට අවස්ථාව දෙනවාද නැද්ද යන ප්රශ්නයට මුහුණ දීමට අවන්හල්හිමියන්ට සිදුව ඇත. ඊට ප්රධාන හේතුව වයිරසය ව්යාප්ත වීම පාලනය කිරීම තිබෙන සමාජ දුරස්ථභාවය පවත්වාගෙන යෑමේ නීතිය යි.
‘‘අපි දින 15ක් 20ක් විවෘත කර තබනවා. අපි අවන්හල් විවෘත කරලා බලනවා. මිනිස්සු ආවේ නැත්නම් අපට කඩ වහන්න වේවි’’ යැයි එක් අවහන්හල් හිමියෙක් කීය.
ඒ.එෆ්.පී.
055
පෘථිවිය කැරැකෙන වේගය එසේත් නැතිනම් භ්රමණය වන වේගය වැඩි වී, පෘථිවියේ වේලාව තත්පරයකින් අඩුවනු ඇතැයි ඇමෙරිකන් විද්යාඥයෝ පවසති.
පාස්කු බැතිමතුන් පිරිසක් ගමන් කරමින් සිටි බස් රියක්, දකුණු අප්රිකාවේ, ප්රපාතයකට පෙරැළී අනතුරක් සිදුවිය.
ඉන්දු චීන දේශසීමා අර්බුදය සම්බන්ධයෙන් ඉන්දීය නියෝජිතයන් සහ චීන නියෝජිතයන් අතරේ සාකච්ඡා ඊයේ (28) පැවැත්විණි. ඒ, චීනයේ බෙයිජීං අගනුවරදීය.
‘ඩාලි’ නමැති කන්ටේනර් නැව හැපී, බොල්ටිමෝර් ‘ෆ්රැන්සිස් ස්කොට් කී’ පාලමේ කඩා වැටුණු අවස්ථාවේ, අතුරුදන් වූ ඉදිකිරීම් සේවකයන් 6 දෙනාගෙන් දෙදෙනකුගේ සිරු
ජර්මනියේ ලිප්සිග් නුවරට නුදුරින් මාර්ගයක ගමන් කරමින් තිබුණු මගී බස්රියක් අනතුරට පත්විය. බස්රිය අනතුරට පත්වූයේ රියදුරාට එහි වේගය පාලනය කර ගැනීමට නොහැ
ලොව විශාලතම සර්පයා ලෙස සත්ව විද්යාඥයන් ලොව හඳුන්වා දුන්, අඩි 26 ක් දිග ඇනකොන්ඩා මරා දමා ඇතැයි විදෙස් මාධ්ය පවසයි. ඇනකොන්ඩා මරා දමා ඇත්තේ දඩයක්කරුවන් ප
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
ඉතාලියේ ආපනශාලා-බීමහල් විවෘත කරයි
පිටිගල මිලානෝ Monday, 18 May 2020 03:59 PM
සියලුම ආපන ශාලා සහ බාර් විවෘත කර නැතත් විවෘත කර ඇති බාර් වලට පැමිණ දුරස්ථ භාවය රකිමින් කලකට පසු මිතුරන් සමඟ මධුවිතක්, වයින් වීදුරුවක් තොල ගාන බොහෝ පිරිස් මම පසුගිය සති අන්තයේ සවස් භාගයේ දුටිමි. කලකට පසු දුටු පියකරු දසුනක් වුවත් කල්පනාකාරී නොවුනොත් මෙය තවත් ව්යසනයක ආරම්භයක් වනු ඇත.
banda Monday, 18 May 2020 07:21 PM
ඉතාලියේ එහෙම උනත් ලංකාවේ එහෙම වෙන්නේ නෑ. හැමදාම ඇදිරිනීතිය .
rocky Tuesday, 19 May 2020 03:49 AM
මේ පෘතග්ජන මිනිස්සු අඩියක්, පුඩියක් ගහලා විනෝද වෙනවාට අකමැති පින්වතුන්ට තියෙන්නේ නිවන් පුරේ රුවන් දොර කිට්ටුවෙන් පදිංචි වෙන්න!
ධම්ම Tuesday, 19 May 2020 09:38 AM
අපේ අක්කාගේ තේ කඩෙත් ඇරලද? ස්ටේ සේෆ්...!
chandima Tuesday, 19 May 2020 12:20 PM
පුංචි කාලේ බත් පිඟාන අරන් මිදුලට ගිහින් කනකොට අපේ අම්ම කියනවා එළියේ කන්න එපා පෙරේතයෝ බලාගෙන ඉන්නවා කියල. එත් ඒ රටවල්වල පෙරේතයෝ කුම්භාණ්ඩයෝ නැතුව ඇති මගේ හිත?