කිසිදු වෙනස්කමක් නොකළහොත් මාස ගණනක් යන තුරු ප්රංශය තුළ නව කොරෝනා වයිරසය පවතිනු ඇති බවත් ඉන් එරට සෞඛ්ය පද්ධතියට දැඩි පීඩනයක් එල්ල වනු ඇති බවත් එරට ඉහළ පෙළේ වෛද්යවරයකු අද (27) අනතුරු ඇඟවීය.
“අපි හිතුවට වඩා වේගයෙන් වයිරසයේ දෙවැනි රැල්ල එනවා” යැයි ප්රංශයේ වෛද්යවරුන්ගේ ජාතික කවුන්සිලයේ ප්රධානී පැට්රික් බුවේ පැවැසීය. සතිපතා පළවන ජර්නලයක් වන ඩු ඩිමාච් වෙත අදහස් දක්වමින් ඔහු එම අනතුරු ඇඟවීම කළේය.
ප්රංශයෙන් සෙනසුරාදා (26) අවසන් වූ පැය 24 ක කාලයේදී නව කොරෝනා වයිරස ආසාදිතයන් 14,412 දෙනකු හඳුනාගත් බව එරට සෞඛ්ය සේවය සඳහන් කළේය.
ප්රංශයෙන් බ්රහස්පතින්දා සහ සිකුරාදා යන දිනවලදී වයිරස ආසාදිතයන් 16,000 අධික පිරිසක් හඳුනාගෙන තිබිණි. අවසන් දින හතේ දී වයිරස ආසාදිතයන් 4,102 දෙනකු රෝහල් ගත කර ඇති අතර ඔවුන්ගෙන් 763 දෙනකුගේ තත්ත්වය බරපතළ යැයි පැවසේ.
නව කොරෝනා වයිරසයෙන් ප්රංශයේ වැඩිම බලපෑමක් එල්ල වූ ප්රදේශවලට නව සීමා පැනවීමට ද එරට බලධාරීන්ගේ අවධානය යොමු වී තිබේ. වයිරසය ව්යාප්ත වීමේ වේගය අඩු කිරීම එහි අරමුණ වී තිබේ. මධ්යධරණී නගරයක් වන මර්සෙයි සහ පැරිස් කලාපය ද එම ප්රදේශවලට අයත් වේ.
එම නව සීමා අද පස්වරුවේ සිට ක්රියාත්මක වීමට නියමිත අතර වයිරසයේ ව්යාප්තිය පාලනය සඳහා නව සීමා පැනවීම සම්බන්ධයෙන් අවන්හල් සහ බීමහල්වල අයිතිකරුවන්ගෙන් දැඩි විරෝධයක් එල්ල වී තිබේ. මේ හේතුවෙන් මර්සෙයි හි අවන්හල් සහ බීමහල්වල අයිතිකරුවෝ විරෝධාතවක ද නිරත වූහ.
මේ සතිය ආරම්භයේදී සෞඛ්ය අමාත්ය ඔලිවියරේ වේහා කරන ලද අනතුරු ඇඟවීම් ප්රමාණවත් නැතැයි ද පැට්රික් බුවේ කීය.
“සති තුන හතරකින් කිසිදෙයක් වෙනස් වුණේ නැතිනම් රට හැමතැනම වසංගතය පැතිර යනවා කියලා ඔහු කිව්වේ නැහැ. සිසිර සහ ශීත ඍතුවලදීත් වයිරසය පැතිර යාවි” හෙතෙම කීය.
එසේ වයිරසය පැතිර ගියහොත් ප්රමාණවත් තරම් වෛද්ය කාර්ය මණ්ඩල නොමැති වනු ඇති බවත් ප්රංශයේ සෞඛ්ය පද්ධතියට එය දරාගැනීමට නොහැකි වනු ඇති බවත් ඔහු කීවේය.
“ප්රංශයේ සෞඛ්ය පද්ධතියට ඉල්ලුමට සරිලන සේවාවක් දෙන්න බැරි වේවි” ඔහු පැවැසීය.
“සෞඛ්ය සේවකයන්ට ‘වසන්ත ප්රතිහාර්ය’ කරන්න බැරි වේවි. ඔවුන් ඒ කාලයේදී ගොඩක් වෙහෙස මහන්සි වුණා. ඒ නිසා අපට සැලකිය යුතු ලෙස පාලනය කරගන්න හැකියාව ලැබුණා. දැන් ඔවුන් බොහෝ දෙනකුට මහන්සි” යැයි හෙතෙම තවදුරටත් කීය.
ඒ.එෆ්.පී.
055
ලෙබනනයේ හිස්බුල්ලා සටන්කාමීන් උතුරුදිග ඊශ්රායලයේ හමුදා මූලස්ථානයක් ඉලක්ක කර ගනිමින් රොකට් ප්රහාර මාලාවක් එල්ල කළ බව විදෙස් මාධ්ය පවසයි.
දෙදින නිල සංචාරයක් සඳහා පාකිස්තානයට පැමිණ සිටින ඉරාන ජනාධිපති ඊබ්රහීම් රයිසි සහ පාකිස්තාන අග්රාමාත්ය ෂෙහ්බාස් ෂරීෆ් අතරේ හමුවක් ඉස්ලාමාබාද් අගන
ඊශ්රායල හමුදා බුද්ධි අංශ ප්රධානී මේජර් ජනරාල් ඇරොන් හලීවා ඉල්ලා අස්විය. හමුදා බුද්ධි අංශ ප්රධානියා මෙසේ ඉල්ලා අස් වූයේ පසුගිය ඔක්තෝබර් 7 වැනිදා ඊශ්
චීනයේ ප්රධාන නගරවලින් අඩක් ගිලා බසිමින් පවතින බව විදෙස් මාධ්ය අනාවරණය කරයි. විදෙස් මාධ්ය මේ බව අනාවරණය කළේ ජගත් භූ විද්යාඥයන් ‘සයන්ස්’ විද්යා සඟ
ශ්රී ලංකා සංචාරට පෙර ඉරාන ජනාධිපති ඊබ්රහීම් රයිසි දෙදින නිල සංචාරයක් සඳහා පාකිස්තානයට පැමිණියේය. ඉරාන ජනාධිපති රයිසිට පාකිස්තාන අග්රාමාත්ය ෂෙහ
මාලදිවයින පාර්ලිමේන්තු මැතිවරනයෙන්, දැඩි චීන හිතවාදියකු වන මාලදිවයින ජනාධිපති මොහොමඞ් මුයිසුගේ ‘ජනතා ජාතික කොංග්රසය’ දේශපාලන පක්ෂය විශිෂ්ට ජයක් හ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘ප්රංශයේ නව කොරෝනා වයිරසයේ දෙවැනි රැල්ලක්’’