කොරෝනා වසංගතය මැද, ඉන්දියාවේ තමිල්නාඩු, පුදුචෙරී, කේරළය, බංගාලය සහ ඇසෑමය යන ප්රාන්තවල අදියර කීපයකින් පැවැති ප්රාන්ත මැතිවරණයේ ඡන්ද ගණන් කිරීම සහ ප්රතිඵල නිකුත් කිරීම මේ වනවිට අවසන් වෙමින් පවතින අතර ඉන්දීය අග්රාමාත්ය නරේන්ද්ර මෝදිගේ භාරතීය ජනතා පක්ෂයට බලය තහවුරු කර ගැනීමට හැකිවූයේ ඇසෑම් ප්රාන්තයේ පමණි.
මැතිවරණ කටයුතු අදියර කීපයක් යටතේ පැවැත්වූයේ පසුගිය මාර්තු 27 වැනිදා සිට අප්රේල් 29 දක්වා ය. ඡන්ද ගණන් කිරීම අද (2) ඉන්දියාවේ වේලාවෙන් උදෑසන 8 ට ආරම්භ වුණු අතර, එසැණින් ප්රතිඵල නිකුත් කිරීමට ද සිදුවිය.
තමිල්නාඩු ප්රාන්තයේ ආසන 234 ක් සඳහා වන ඡන්ද විමසීම පැවැත්වූයේ අප්රේල් මස 6 වැනිදාය. ප්රතිඵල නිකුත් වෙද්දී, බහුතරයේ සීමාව ද ඉක්මවා ආසන 146 ක හිමි කර ගැනීමට ප්රධාන විපක්ෂ දේශපාලන කණ්ඩායම ලෙස කටයුතු කළ 'ද්රවිඩ මුනේත්ර කසාගම්' (ඩී.එම්.කේ) පක්ෂය සමත් විය.
බහුතර බලය සඳහා දිනා ගත යුතුව තිබුණේ ආසන 118 කි. 'ද්රවිඩ මුනේත්ර කසාගම්' යනු තමිල්නාඩුවේ හිටපු මහ ඇමැතිවරයකු වූ අභාවප්රාප්ත කරුණානිධිගේ දේශපාලන පක්ෂයයි. මෙවර මැතිවරණයේ දී පක්ෂය ජයග්රහණය කරා මෙහෙයවීම කළේ කරුණානිධිගේ පුතු එ.කේ. ස්ටාලිං ය.
තමිල්නාඩුවේ බලයේ රැදී සිටියේ හිටපු මහ ඇමැතිනියක වූ අභාවප්රාප්ත ජයලලිතාගේ 'ඕල් ඉන්දියා අන්නා ද්රවිඩ් මුනේත්ර කසාගම්' (ඒ.අයි.ඒ.ඩී.එම්.කේ.) පක්ෂයයි. මෙවර ඔවුන්ට දිනා ගැනීමට හැකිවූයේ වූයේ ආසන 87 ක් පමණි. ඉන්දීය අග්රාමාත්ය නරේන්ද්ර මෝදිගේ 'භාරතීය ජනතා පක්ෂයේ සහාය හිමිවූයේ ඒ.අයි.ඒ.ඩී.එම්.කේ. පක්ෂයටය.
කරුණානිධි හෝ ජයලලිතා හෝ නොමැතිව තමිල්නාඩුවේ පැවැති පළමු ප්රාන්ත මැතිවරණය මෙය විය. තමිල්නාඩුවේ ඡන්දය ගණන කිරීම දැඩි ආරක්ෂාවක් මධ්යයේ සහ නව ‘කොවිඩ්-19’ සෞඛ්ය රෙගුලාසි මධ්යයේ පැවැත්වුණු බව ද පැවැසෙයි.
බටහිර බෙංගාල ප්රාන්තයේ පැවැති මහ මැතිවරණයෙන් මහ ඇමැතිනී මමතා බෙනර්ජිගේ ත්රිණමූල් කොංග්රසය ජයග්රහණය කළේ ආසන 214 ක් දිනා ගනිමිනි. බටහිර බෙංගාල ප්රාන්ත සභාව ආසන 294 කින් සමන්විත අතර, බහුතරය සඳහා ආසන 148 ක් දිනා ගත යුතුව තිබුණි.
ත්රිණමූල් කොංග්රසයට අභියෝග කළ 'භාරතීය ජනතා පක්ෂයට දිනා ගැනීමට හැකිවූයේ ආසන 77 ක් පමණි. ආසන 140 කින් සමන්විත කේරළයේ බලය තහවුරු කර ගැනීමට 'වාමාංගික ප්රජාතන්ත්රවාදී පෙරමුණ' සමත් විය. ඒ, ආසන 99 ක් දිනා ගනිමිනි. ආසන 44 ක් දිනා ගිමින් දෙවැනි ස්ථානයට පත් වූයේ කොංග්රස් පක්ෂයයි. භාරතීය ජනතා පක්ෂය ද වෙනම මැතිවරණයට ඉදිරිපත් වුණු නමුත් කිසිදු ආසනයක් දිනා ගත්තේ නැත.
අද (2) සවස් වනවිට පුදුචෙරි ප්රාන්තයේ ආසන 30 න් ආසන 23 ක ඡන්ද ගණන් කර අවසන් වූ අතර, එයින් ආසන 14 ක් දිනා ඉදිරියට පැමිණ සිටියේ එන්.ආර්. තොංග්රසයයි.
කොංග්රස් පක්ෂය වෙනම තරග කළ අතර දිනා ගත් ආසන ගණන 7 ක් ලෙස වාර්තා විය.
ඇසෑම් ප්රාන්තයේ බලය පැවැතියේ 'භාරතීය ජනතා පක්ෂය' සතුවය. මෙවර මැතිවරණයේ දී එම බලය තහවුරු කර ගැනීමට 'භාරතීය ජනතා පක්ෂය' සමත් වූයේ ආසන 76 ක් දිනා ගනිමිනි.
ඇසෑම් ප්රාන්ත සභාව ආසන 126 කින් සමන්විතය. 'භාරතීය ජනතා පක්ෂය' ට අභියෝගයක් වූයේ කොංග්රස් පක්ෂයෙනි. කොංග්රස් පක්ෂයට ආසන 48 ක් හිමිවිය.
(රොයිටර්)
ග්රීසියේ ඇතන්ස් අගනුවර වැසියන් මවිතයට පත් කරමින්, ඇතන්ස් අහස අඳුරු වී තැඹිලි පැහැයක් ගත්තේය. මෙම අසාමාන්ය සංසිද්ධිය සම්බන්ධයෙන්, ග්රීක කාලගුණ විද
යුක්රේනයට පවුම් මිලියන 500 (ඇමෙරිකන් ඩොලර් මිලියන 500) ක යුද ආධාර පැකේජයක් යුක්රේනයට ලබා දීමට බි්රතාන්ය අග්රාමාත්ය රිෂී සුනාක් කැමැත්ත පළ කර ඇත.
ඉරානය සමඟ ව්යාපාර ගනුදෙනු පවත්වන්නේ නම්, සම්බාධකවලට මුහුණ දීමට සිදුවනු ඇතැයි ඇමෙරිකා රාජ්ය දෙපාර්තමේන්තුව පාකිස්තානයට අනතුරු ඇඟවීමක් කර තිබේ.
බ්රිතාන්යයේ ඔටුන්න හිමි විලියම් කුමරුන්ගේ බිරිඳ මෙන්ම, වේල්සයේ කුමරිය යන ගෞරව නාමයෙන් ද හැඳින් වෙන, කේට් මිඞ්ල්ටන් කුමරියට චාල්ස් රජුගේ ප්රසංශා හ
ලෙබනනයේ හිස්බුල්ලා සටන්කාමීන් උතුරුදිග ඊශ්රායලයේ හමුදා මූලස්ථානයක් ඉලක්ක කර ගනිමින් රොකට් ප්රහාර මාලාවක් එල්ල කළ බව විදෙස් මාධ්ය පවසයි.
දෙදින නිල සංචාරයක් සඳහා පාකිස්තානයට පැමිණ සිටින ඉරාන ජනාධිපති ඊබ්රහීම් රයිසි සහ පාකිස්තාන අග්රාමාත්ය ෂෙහ්බාස් ෂරීෆ් අතරේ හමුවක් ඉස්ලාමාබාද් අගන
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඉන්දීය ප්රාන්ත මැතිවරණයේ ප්රතිඵල එයි